Man accused of urinating on female passenger arrested এয়াৰ ইণ্ডিয়াৰ বিমানত সহযাত্ৰী মহিলাৰ গাত প্ৰস্ৰাৱ কৰাৰ বাবে অভিযুক্ত শংকৰ মিশ্ৰক বাংগালুৰুৰ পৰা গ্ৰেপ্তাৰ কৰা হৈছে। দিল্লী আৰক্ষীৰ বিষয়াসকলে শনিবাৰে শংকৰৰ গ্ৰেপ্তাৰৰ খবৰ সদৰী কৰিছে।
অভিযুক্ত যাত্ৰী শংকৰ মিশ্ৰ আমেৰিকা যুক্তৰাষ্ট্ৰৰ বহুজাতিক বিত্তীয় প্ৰতিষ্ঠানৰ ভাৰতৰ ভাইচ প্ৰেছিডেন্ট আছিল। আমেৰিকা যুক্তৰাষ্ট্ৰৰ কোম্পানীটোৱে তেওঁক কালি চাকৰিৰ পৰা বৰ্খাস্ত কৰিছিল।
লগতে পঢ়ক: কাবুলিৱালাৰ প্ৰেমত পৰি সীমান্ত পাৰহৈ লটিঘটি; পাকিস্তানৰ কাৰাগাৰত বন্দী নগাঁৱৰ বোৱাৰী
যোৱা বছৰৰ ২৬ নৱেম্বৰত শংকৰে এয়াৰ ইণ্ডিয়াৰ নিউয়ৰ্ক-দিল্লী বিমানৰ বাণিজ্যিক শ্ৰেণীত সুৰাপান কৰি থকা অৱস্থাত এগৰাকী মহিলা সহযাত্ৰীৰ ওপৰত প্ৰস্ৰাৱ কৰিছিল। মহিলা যাত্ৰীগৰাকীৰ বয়স ৭০ বছৰ।
দিল্লী আৰক্ষীয়ে বৃহস্পতিবাৰে সংশ্লিষ্ট কৰ্তৃপক্ষক শংকৰৰ বিৰুদ্ধে লুক-আউট নটিছ জাৰি কৰিবলৈ আহ্বান জনায়। এয়াৰ ইণ্ডিয়াৰ ওচৰত মহিলাগৰাকীয়ে দাখিল কৰা অভিযোগৰ ভিত্তিত শংকৰৰ বিৰুদ্ধে এখন এজাহাৰ দাখিল কৰা হৈছিল।
লগতে পঢ়ক: আৰু ৰহস্য! দুগৰাকী অধিবক্তাই গুৱাহাটী বিমানবন্দৰত দেখিছিল শ্বীনা বৰাক; দাবী ইন্দ্ৰাণী মুখাৰ্জীৰ
শংকৰ মিশ্ৰৰ বিৰুদ্ধে ভাৰতীয় দণ্ডবিধিৰ ৩৫৪, ২৯৪, ৫০৯, ৫১০ ধাৰাৰ অধীনত এটা গোচৰ ৰুজু কৰা হৈছে। যদি তেওঁৰ বিৰুদ্ধে থকা অভিযোগবোৰ সঁচা বুলি প্ৰমাণিত হয় তেন্তে শংকৰৰ তিনি বছৰ পৰ্যন্ত কাৰাবাস হ’ব পাৰে।
