গাঁৱলৈ পানী যোগানৰ বাবে গয়াৰ এগৰাকী লোকে অকলে নিৰ্মাণ কৰিলে ৩ কিলোমিটাৰ দৈৰ্ঘ্যৰ নলা
গয়াৰ লাথুৱা অঞ্চলৰ কোথিলাৱা গাঁৱৰ পথাৰত পানী যোগানৰ বাবে এগৰাকী লোকে সম্পুৰ্ণ একক প্ৰচেষ্টাৰে ৩০ বছৰৰ অন্তত ৩ কিলোমিটাৰ দৈৰ্ঘ্যৰ এক প্ৰকাণ্ড নলা নিৰ্মাণ কৰি উলিওৱা বাতৰিয়ে এতিয়া চৰ্চা লাভ কৰিছে।
লুৱাংগি ভূঞা নামৰ এগৰাকী বৃদ্ধ লোকে ৩০ বছৰ পৰিশ্ৰমৰ অন্তত নলাটো নিৰ্মাণ কৰি উলিয়াবলৈ সক্ষম হয় যিটো নলাৰে ওচৰৰ গাঁৱৰ পৰা বৰষুণৰ পানী তেওঁলোকৰ গাঁৱৰ পথাৰলৈ অহা সম্ভৱ কৰি তুলিছে।
‘’এই নলাটো নিৰ্মাণ কৰি উলিওৱাৰ বাবে মোক সম্পুৰ্ণ ৩০ বছৰ লাগিছে,’’ সংবাদমাধ্যমৰ আগত এইদৰে ভূঞাই কয়।
‘’বিগত ৩০ বছৰ ধৰি মই ওচৰৰ জংঘললৈ গৈ মোৰ পোহনীয়া জন্তু সমূহ চৰিবৰ বাবে এৰাল দিও আৰু মই নলা খন্দা কামত লাগো,’’ ভূঞাই লগতে কয়।
আনহাতে, এই কামৰ সময়ত তেওঁক কোনো লোকে সংগ দিয়া নাছিল বুলি ভূঞাই উল্লেখ কৰি কয় যে, গাঁৱৰ বহুলোকে জীৱিকাৰ বাবে চহৰলৈ গুচি গৈছিল কিন্তু তেওঁ গাঁৱত থাকিয়ে এই কাম কৰি গৈছিল।
গয়া জিলা মুখ্য কাৰ্য্যালয়ৰ পৰা ৮০ কিলোমিটাৰ দূৰত্বত অৱস্থিত কোথিৱালা গাঁৱখন সম্পুৰ্ণৰূপে ঘন হাবি বননিৰে ভৰা আৰু পাহাৰেৰে আগুৰা।
মাও বিদ্ৰোহী সকলৰ বাসস্থান হিচাপেও এই গাঁৱখন পৰিচিত আছিল।