এজন লোকে এডাল ৰ’ডেৰে নিজ পুত্ৰ আৰু পত্নীক মৰিয়াই হত্যা কৰাৰ খবৰ আহিছে।
ৰাজস্থানৰ শ্ৰীগঙ্গানগৰ জিলাত সংঘটিত হৈছে এই লোমহৰ্ষক হত্যাকাণ্ডটো।
সংবাদ প্ৰতিষ্ঠান পিটিআইৰ বাতৰি অনুসৰি শ্ৰীগঙ্গানগৰ জিলাৰ শ্ৰীকৰণপুৰ আৰক্ষী থানাৰ অন্তৰ্গত আয়ান গাঁৱত দেওবাৰে নিশা এজন ৫০ বছৰীয়া ব্যক্তিয়ে এই হত্যাকাণ্ড সংঘটিত কৰিছে।
‘সতনাম সিং নামৰ লোকজনে পত্নী বীৰপাল কৌৰ আৰু পুত্ৰ বালবিন্দৰ সিঙক এডাল ৰ’ডেৰে প্ৰহাৰ কৰি হত্যা কৰে আৰু দুয়োৰে থিতাতে মৃত্যু ঘটে।’ স্থানীয় আৰক্ষী বিষয়াই কয়।
লোকজনে ৰাতি হত্যাকাণ্ড সংঘটিত কৰি সোমবাৰে পুৱা স্থানীয় আৰক্ষী থানাত আত্মসমৰ্পণ কৰে বুলি আৰক্ষীয়ে সদৰী কৰিছে।
ইতিমধ্যে স্থানীয় আৰক্ষীয়ে মৃতদেহ দুটা মৰণোত্তৰ পৰক্ষীৰ বাবে প্ৰেৰণ কৰাৰ লগতে ঘটনা সন্দৰ্ভত তদন্ত প্ৰক্ৰিয়া আৰম্ভ কৰিছে।
