বাক্সাৰ মুছলপুৰত এদল লোকে সৰিয়হ চুৰি কৰাৰ অভিযোগত এজন লোকক হত্যা কৰাৰ ঘটনা ঘটিছে।
এই ঘটনাত নিহত লোকজনক সঞ্জয় দাস বুলি চিনাক্ত কৰা হৈছে।
বাতৰি অনুসৰি, গাওঁৰ এদল লোকে সঞ্জয়ক সৰিয়হ চুৰিৰ সৈতে জড়িত থকাৰ সন্দেহত বিচাৰি ফুৰিছিল।
লগতে পঢ়ক: বোজা বাঢ়িছে, পৰ্যাপ্ত আদালত হ’লেহে ন্যায় পোৱা সম্ভৱ: দেশৰ মুখ্য ন্যায়াধীশ ৰামানা
বিচাৰি পোৱাৰ পিছত, তেওঁলোকে তেওঁক মৰিয়াই অচেতন কৰি পেলায়। দলটোৱে তেওঁক অচেতন অৱস্থাতে এৰি থৈ যায়।
আৰক্ষীয়ে বৃহস্পতিবাৰে অঞ্চলটোৰ এটা নলাত সঞ্জয় দাসৰ মৃতদেহটো উদ্ধাৰ কৰে।
পৰৱৰ্তী অনুসন্ধানত, গোটেই ঘটনাটো পোহৰলৈ আহে আৰু গাওঁখনৰ মুৰব্বীসহ সাতজন লোকক আৰক্ষীয়ে গ্ৰেপ্তাৰ কৰে।
লগতে পঢ়ক: অসহিষ্ণুতা! ১০০ টকাৰ বাবেই সোনাপুৰত এজন দোকানীক হত্যা
উল্লেখ্য যে শেহতীয়াকৈ বাক্সাত একেধৰণৰ আন এটা ঘটনাও সংঘটিত হৈছিল।
