এজন যুৱকৰ কাৰ্য দেখি স্তম্ভিত হৈ পৰিছে উত্তৰ প্ৰদেশৰ জনগণ। আৰু এই অস্বাভাৱিক বিবাহক লৈ বহু চৰ্চা হৈছে।এই ঘটনা চাহাৰনপুৰৰ।
বিয়াত আলহী আহিল। দৰা-কইনাও আহিল। কিন্তু বিয়া কোনে কৰোৱাব? ক’ত আছে পুৰোহিত? আত্মীয়ৰ মাজত আলোচনা হৈ থকাৰ সময়তে যুৱকজন নিজেই পুৰোহিত হৈ পৰিল।আৰু নিজেই নিজৰ বিয়া মন্ত্ৰপাঠ কৰিলে। যুৱকজনৰ এই কাৰ্যত সকলো স্তম্ভিত হৈ পৰিল।
জানিব পৰা মতে, ছাহাৰানপুৰৰ ৰামপুৰ অঞ্চলৰ বাসিন্দা প্ৰবীণ কুমাৰৰ পুত্ৰ বিবেক বিবাহপাশত আবদ্ধ হ’ল। হৰিদ্বাৰৰ বাহাদুৰপুৰ গাঁৱত বিয়া অনুষ্ঠিত হৈছিল। বিয়াৰ মৌলিক ৰীতি-নীতিও পালন কৰা হ’ল। দৰা-কইনা বাৰাণ্ডাত বহিল। তাৰ পাছতেই এটা নাটকীয় ঘটনা ঘটিল। সকলোকে আচৰিত কৰি বিবেকে নিজেই বিয়াৰ পুৰোহিতৰ ভূমিকা গ্ৰহণ কৰিলে। উপস্থিত আত্মীয়ক ঘোষণা কৰিলে যে তেওঁ নিজৰ বিয়াখন নিজেই কৰোৱাব।
বিবেকৰ এই ঘোষণাত আত্মীয়-স্বজন সকলো স্তম্ভিত হৈ পৰে। তেওঁ এজন পেছাদাৰী পুৰোহিতৰ দৰে মন্ত্ৰ জপ কৰে। পুৰোহিত এজনে বিয়া কৰাই দিয়াৰ দৰে সকলো ৰীতি-নীতি পালন কৰি যুৱকজনে নিজেই বিয়াখন পাতিলে।
