১২দিনৰ পাছতো সন্ধান নাই মাৰ্ঘেৰিটাৰ পৰা নিৰুদ্দেশ হোৱা দেৱজিৎ মেছৰ
যোৱা ২৯ ছেপ্তেম্বৰৰ পৰা নিৰুদ্দেশ হৈ থকা তিনিচুকীয়া জিলাৰ মাৰ্ঘেৰিটা থানাৰ অন্তৰ্গত মাকুম পথাৰ পঞ্চায়তৰ অধীন চিৰো গাঁৱৰ দেৱজিৎ মেছ(১৭) নামৰ যুৱকজনৰ আজি পৰ্যন্ত কোনো সন্ধান ওলোৱা নাই।
উল্লেখ্য যে যোৱা ২৯ চেপ্তেম্বৰৰ বিয়লী ৩.১০ মান বজাত ইণ্টাৰচিটি এক্সপ্ৰেছযোগে নাহৰকটীয়ালৈ বুলি ওলাই যোৱাৰ পিছৰে পৰা আজি পৰ্যন্ত সন্ধানহীন হৈ আছে দেৱজিৎ।
অতি দুখীয়া পৰিয়ালৰ যুৱকজন এনেদৰে হঠাতে ১২ দিন ধৰি সন্ধানহীন হৈ থকাত এতিয়া হতাশাত ভাগি পৰিছে পৰিয়ালটো। পুত্ৰৰ সন্ধানত পৰিয়ালৰ লোকে মাৰ্ঘেৰিটা আৰক্ষী থানাত যোৱা ৩০ ছেপ্তেম্বৰতে এজাহাৰ দাখিল কৰাৰ উপৰি সহায়ৰ বাবে তিনিচুকীয়া ৰে’ল আৰক্ষীৰো কাষ চাপিছিল কিন্তু এই পৰ্যন্ত কোনো ধৰণৰ শুংসূত্ৰ লাভ কৰিবলৈ সক্ষম হোৱা নাই।
অতি দুখীয়া পৰিয়ালৰ যুৱকজন এনেদৰে হঠাৎ নিৰুদ্দেশ হৈ পৰাত পৰিয়ালৰ লগতে স্থানীয় ৰাইজেও হতাশাত ভাগি পৰি নামঘৰত শৰাই আগবঢ়াই যুৱকজন যাতে ঘৰলৈ উভটি আহে তাৰ বাবে ভগৱানৰ ওচৰত প্ৰাৰ্থনা আগবঢ়াইছে।
ইয়াৰ উপৰি কোনো সদাশয় লোকে যুৱকজনৰ সন্ধান পালে ৮০১১৭৬১৫৭১ নম্বৰত যোগাযোগ কৰিবলৈ পৰিয়ালটোৱে কাতৰ আহ্বান জনাইছে।