দিল্লীৰ মুণ্ডকা ভৱনৰ অগ্নিকাণ্ডৰ পিছতে এইবাৰ পঞ্জাৱৰ অমৃতসৰস্থিত গুৰু নানক দেৱ চিকিৎসালয়ত ভয়ংকৰ অগ্নিকাণ্ড সংঘটিত হৈছে।
আজি বিয়লি সংঘটিত এই অগ্নিকাণ্ডৰ পিছতে অৱশ্যে অগ্নি নিৰ্বাপক বাহিনী ঘটনাস্থলীত উপস্থিত হয়।
প্ৰকাশিত খবৰ অনুসৰি চিকিৎসালয়খনৰ অ’পিডিৰ ওচৰত এটা ডাঙৰ বিস্ফোৰণৰ পিছতে অট্টালিকাটোত জুই বিয়পি পৰে।
এই অগ্নিকাণ্ডৰ পিছতে কৰ্মচাৰীসকলে লগে লগে ৰোগীসকলক সুৰক্ষিত স্থানলৈ স্থানান্তৰিত কৰে।
আনহাতে চিকিৎসালয়ৰ অধ্যক্ষ ৰাজীৱ কুমাৰ ডেভগুনে জানিবলৈ দিয়া মতে অ’পিডিৰ ওচৰত স্থাপন কৰা বৈদ্যুতিক ট্ৰেন্সফৰ্মাৰ দুটাত জুই লগাৰ পিছতে বিস্ফোৰণ সংঘটিত হৈছিল।
অৱশ্যে তেওঁ জুইৰ ফলত কোনো ৰোগীৰ প্ৰাণহানি বা কোনো আঘাতপ্ৰাপ্ত হোৱা নাই বুলি জানিবলৈ দিয়ে।
আনহাতে পঞ্জাৱৰ শক্তি মন্ত্ৰী হৰভজন সিঙে ইতিমধ্যে এই অগ্নিকাণ্ডৰ তদন্ত ঘোষণা কৰিছে।
