১৮ মে’ত চেন্নাই ছুপাৰ কিংছক পৰাস্ত কৰি ৰয়েল চেলেঞ্জাৰছ বেংগালুৰে আই পি এলৰ প্লে অফত প্ৰৱেশ কৰে একেৰাহে ৬খন মেচত জয়লাভ কৰি এই অসম্ভৱক সম্ভৱ কৰি তোলে। বৰষুণৰ ফলত হোৱা খেলখনত বেংগালুৰুৱে প্ৰথমে বেটিং কৰি ২১৮ ৰান সংগ্ৰহ কৰে। য’ত কোহলীয়ে ৪৭ ৰান সংগ্ৰহ কৰে। অধিনায়ক ফাফ ডু প্লেছিছে অৰ্ধশতক অৰ্জন কৰে। বেংগালুৰুৱে প্লে অফত প্ৰৱেশ কৰিবলৈ ২০০ ৰানৰ ভিতৰত চেন্নাই ছুপাৰ কিংছক স্তব্ধ কৰাৰ পৰিস্থিতি আহি পৰিছিল। আৰচিবিৰ বলাৰসকলে সেই কথা প্ৰমাণ কৰে৷ এই জয়েৰে বেংগালুৰুৰ পইণ্ট ১৪ লৈ বৃদ্ধি পায়। পইণ্ট চেন্নাইৰ সমান হ’লেও নেট ৰান ৰেটৰ ক্ষেত্ৰত বেংগালুৰু প্ৰথম চাৰিটা স্থানত আছে।
চেন্নাইৰ অধিনায়ক ৰুতুৰাজ গাইকোৱাদে টছত জয়লাভ কৰি গুৰুত্বপূৰ্ণ মেচখনত প্ৰথমে বলিং কৰাৰ সিদ্ধান্ত লয়। বেংগালুৰুৰ দুই অ’পেনাৰ কোহলী আৰু ডু প্লেছিছে ভাল আৰম্ভণি কৰে। বেংগালুৰুৱে ৩ অভাৰত ৩১ ৰান সংগ্ৰহ কৰে। ইয়াৰ পাছত বৰষুণৰ বাবে খেল বন্ধ কৰি দিয়া হয়। কিছুসময় মেচ বন্ধ আছিল যদিও অভাৰ কমি যোৱা নাছিল।
দ্বিতীয় অভাৰৰ পাছত স্পিনাৰসকলে খেলপথাৰৰ পৰা সহায় লাভ কৰিবলৈ আৰম্ভ কৰে। বিশেষকৈ মহেশ তীক্ষনা আৰু মিচেল ছাণ্টনাৰে সুন্দৰ বলিং কৰে। খেলপথাৰত স্পিনাৰৰ পৰা সহায় লাভ কৰিও বেয়াকৈ বলিং কৰে ৰবীন্দ্ৰ জাডেজাই। তেওঁৰ বলৰ গতি বেছি আছিল। সেই গতি ব্যৱহাৰ কৰি কোহলীয়ে ডাঙৰ ডাঙৰ শ্বট খেলিছিল। কোহলীয়ে লাহে লাহে পঞ্চাশৰ ফালে আগবাঢ়িছিল। কিন্তু ২৯টা বলত ৪৭ ৰান সংগ্ৰহ কৰাৰ পাছতে ছাণ্টনাৰে তেওঁক আউট কৰে।
কোহলীয়ে কৰিব নোৱাৰিলেও অৰ্ধশতক অৰ্জন কৰে ডুপ্লেচীয়ে। দুজন অ’পেনাৰ আউট হোৱাৰ পাছতো বেংগালুৰুৰ ৰান ৰেট লেহেমীয়া হোৱা নাছিল।ৰজত পাতিদাৰে ২৩টা বলত ৪১ ৰান সংগ্ৰহ কৰে। শেষত দীনেশ কাৰ্তিক (৬ বলত ১৪) আৰু গ্লেন মেক্সৱেলে (৫ বলত ১৬) ৰান সংগ্ৰহ কৰে।শেষত বেংগালুৰুৱে ৫টা উইকেট হেৰুৱাই ২০ অভাৰত ২১৮ ৰান সংগ্ৰহ কৰে। ১৭টা বলত ৩৮ ৰান সংগ্ৰহ কৰি অপৰাজিত হৈ থাকে কেমেৰুণ গ্ৰীণ।
ইয়াৰ প্ৰত্যুত্তৰত ৰুতুৰাজে বেটিং কৰিবলৈ আহি প্ৰথম বলত আউট হয় যদিও ৰাচিন ৰবীন্দ্ৰই সুন্দৰ প্ৰদৰ্শন আগবঢ়ায়৷ লকি ফাৰ্গুচনে বেংগালুৰুক পুনৰ মেচত আনে। প্ৰথমটো বলত ৩৩ ৰানত ৰাহানেক আউট কৰে। আনহাতে, স্বপ্নিল সিং আৰু মেক্সৱেলে চেন্নাইৰ বেটছমেনক খেলাৰ সুযোগ দিয়া নাছিল যদিও মেক্সৱেলৰ এটা অভাৰত ৰাচিন ৰবীন্দ্ৰই ১৯ ৰান সংগ্ৰহ কৰে। নিউজিলেণ্ডৰ এইগৰাকী বেটছমেনেও অৰ্ধশতক অৰ্জন কৰে।
মহম্মদ ছিৰাজৰ অভাৰত শিৱম ডুবেৰ সৈতে হোৱা ভুল বুজাবুজিৰ বাবে ৰাচিন ৬১ ৰানৰ পাছত ৰান আউট হয়। পাছৰ অভাৰত শিৱম ১৫টা বলত ৭ ৰান সংগ্ৰহ কৰি আউট হয়।
জাডেজা আৰু ছাণ্টনাৰে যুটিটোক বান্ধিবলৈ চেষ্টা কৰে। কিন্তু ছান্টনাৰৰ শ্বটটো শূন্যলৈ যোৱাত ডুপ্লেছিৰ হাতত কেচ আউট হয়।মহেন্দ্ৰ সিং ধোনীও ২৫ ৰান কৰি আউট হয়৷CSKক শেষৰ চাৰিটা বলত ১১ ৰানৰ প্ৰয়োজন হৈছিল যদিও যশ দয়ালৰ ইকনমিক বলিঙৰ বাবে ১৯১ ৰানত চেন্নাইৰ ইনিংছ সমাপ্ত হয়। ৪২ ৰানত অপৰাজিত থাকিও জাদেজাই দলটোক জয় প্ৰদান কৰাত ব্যৰ্থ হয়। ২৭ ৰানত জয়লাভ কৰি বেংগালুৰুৱে প্লে অফত প্ৰৱেশ কৰে।
