এতিয়া শৰতৰ বতৰ। শাৰদী ৰাণীৰ পৰশ পাই প্ৰকৃতি জগতত ফুলি উঠিছে আমাৰ চিৰ পৰিচিত শেৱালি ফুল।
পুৱাই যেতিয়া দুৱৰীৰ দলিচাত শেৱালি সৰি থকাৰ দৃশ্য দেখা যায় তেতিয়াই মনটো ভৰি পৰে বুজাব নোৱাৰা আনন্দৰে।
জন্মগত ভাবেই মানুহ প্ৰকৃতিৰ দাস।
প্ৰকৃতিয়েই আমাক সুৰক্ষা দি আহিছে বিভিন্ন ৰোগৰ পৰা ।শৰতৰ ফুল শেৱালিয়েও আমাক এই ক’ৰ’ণাকালত মহামাৰীৰ বিৰুদ্ধে যুঁজ দিয়াত সহায় কৰিব পাৰে।
মাথো আমি হেলা নকৰি এই ফুলপাহৰ গুণ খিনি গ্ৰহণ কৰিলেই হ’ল।
শেৱালি ফুলে মানুহৰ ৰোগ প্ৰতিৰোধ ক্ষমতা বৃদ্ধি কৰে। এয়া নতুনকৈ কবলগীয়া কথা নহয়।চৰ্দি,কাহ,জ্বৰ আদি প্ৰতিৰোধ কৰাত শেৱালিৰ গুণ অপৰিসীম।আহক চাওঁ কেনে ৰোগত কেনে দৰে ব্যৱহাৰ কৰিব পাৰি শেৱালি ফুল।
- শ্লিপ ডিস্ক- শ্লিপ ডিস্কৰ সমস্যা আজিকালি বহুতৰে হৈছে। এনে সমস্যাত শেৱালি ফুলৰ পাত প্ৰায় ১ কিলোগ্ৰাম লৈ ৩ লিটাৰ পানীত বহু সময় ধৰি উতলাই থাকক।পাতৰ ৰসভাগ পানীৰ সৈতে মিলি গলে পানী খিনি ঠাণ্ডা হবলৈ দি প্ৰতি পুৱা এমাহ মানলৈ এগিলাছকৈ খালী পেটতে খালে বিষৰ পৰা মুক্তি পাব।
- খুন্দা খাই ফুলি উঠিলে-শেৱালি ফুল মোহাৰি ৰস উলিয়াই দিনত দুচামুচকৈ খালে বিষ আৰু পুলা দুয়োটাই কমিব।
- জ্বৰ উঠিলে- জ্বৰ উঠিলে কেইখিলামান শেৱালিৰ কোমল পাত পিহি লৈ তাত আধা চামুচ মৌ মিহলাই খালে সুফল পাব।
- কাহত-কাহ হ’লে শেৱালিৰ কোমল পাতৰ ৰস উলিয়াই এচামুচ মৌৰ সৈতে দিনত তিনিবাৰ খালে কাহ কমিব।
- ছালৰ ৰোগত-ছালৰ ৰোগত শেৱালি ফুলৰ গুটি পিহি লৈ পানীৰ সৈতে পেষ্ট বনাই আক্ৰান্ত অঞ্চলত লগালে ভাল পাব।
- ডেংগুত প্লেটেলেট কাউণ্ট বঢ়াবলৈ কেইখিলা মান শেৱালিৰ পাতৰ সৈতে জালুক মিহলাই তিনি গিলাচ পানীত উতলাই পানী খিনি আধা হ’বলৈ দিয়ক।পানী খিনি ঠাণ্ডা কৰি অলপ অলপকৈ আধা ঘণ্টাৰ মূৰে মূৰে খাবলৈ দিয়ক।১২ ঘণ্টা এনেদৰে খালে ৰোগীৰ প্লেটেলেট কাউণ্ট বাঢ়ি আহিব।এইবোৰৰ উপৰি শেৱালী ফুলৰ আৰু অনেক ঔষধি গুণ আছে।