ৰতন টাটাৰ কাহিনী আমি সকলোৱে জানো। সাধাৰণ জীৱন যাপন কৰিয়েই তেওঁ কোটিপতি হৈ পৰিছিল। অৱশ্যে তেওঁৰ সময়ত আৰু কেইবাজনো ব্যক্তি আছিল যিসকল সেই তালিকাত থাকিব।
ৰামামূৰ্তি ত্যাগৰাজনৰ জন্ম হৈছিল ভাৰতৰ মাটিত। তেওঁ ইণ্ডিয়ান কনগ্লোমেৰেট শ্ৰীৰাম গ্ৰুপ গঠন কৰিছিল। অৱশ্যে তেওঁ অতি সহজ-সৰল জীৱন আৰু চিন্তা-চৰ্চাৰে আগবাঢ়ি গৈছিল। তেওঁৰ মুঠ সম্পত্তিৰ পৰিমান ১ লাখ ৫০ হাজাৰ কোটি টকা।
তামিলনাডুৰ এটা সাধাৰণ পৰিয়ালত জন্মগ্ৰহণ কৰিছিল ৰামামূৰ্তি। অৱশ্যে সৰুৰে পৰা পঢ়া-শুনাত তেওঁ ভাল আছিল। তাকেই সংগী হিচাপে লৈ কঠোৰ পৰিশ্ৰমত মনোনিৱেশ কৰে। তেওঁ চেন্নাইৰ পৰা গণিত লৈ অধ্যয়ন কৰিছিল। তাৰ পিছত তেওঁ কলিকতাৰ পৰা পৰিসংখ্যা লৈ অধ্যয়ন কৰিছিল।
তেওঁ সৰু প্ৰতিষ্ঠান এটাত কাম কৰিবলৈ আৰম্ভ কৰিছিল। অৱশ্যে তাত তেওঁ নিজৰ কামৰ জৰিয়তে উন্নতি কৰি থাকিল। কোটি কোটি টকা উপাৰ্জন কৰাৰ পিছতো তেওঁ এটা সাধাৰণ ঘৰত বাস কৰিছিল আৰু তেওঁ ব্যৱহাৰ কৰা গাড়ীখনৰ দাম আছিল ৬ লাখ টকা।
কিন্তু আশ্চৰ্যজনক তথ্য আছিল যে ৰামামূৰ্তিয়ে তেওঁৰ ৬,২১০ কোটি টকাৰ এটা সম্পত্তি এটা ট্ৰাষ্টক দান কৰিছিল। নিজে কঠিন সময়ৰ পৰা ওলাই আহিছিল বুলিয়েই তেওঁ সকলোৰে বাবে কিবা নহয় কিবা এটা কৰিব বিচাৰিছিল। তেওঁ এই ট্ৰাষ্টৰ পৰা যাতে দুখীয়া সকলে ঋণ লাভ কৰিব পাৰে তাৰ ব্যৱস্থা কৰিছিল।
৩৭ বছৰ বয়সত ৰামামূৰ্তিয়ে নিজাকৈ এটা সংস্থা গঠন কৰে। তাতে তেওঁ সকলোকে ঋণত গাড়ী দিবলৈ আৰম্ভ কৰিলে। এইটোৱেই তেওঁৰ জীৱনটো ঘূৰাই আনে। এই সংস্থাটোৰ বৰ্তমান সমগ্ৰ দেশতে ৩৬০০ টা শাখা আছে। তাত ৭০ হাজাৰ কৰ্মচাৰীয়ে কাম কৰে। ইয়াক সৃষ্টি কৰি শ্ৰীৰাম গ্ৰুপে সকলোৰে জীৱনত আন এক আশাৰ কিৰণ সৃষ্টি কৰে। বহু কৰ্মচাৰী তেওঁৰ সংস্থাৰ সৈতে জড়িত। তেওঁলোক সকলোৱে ৰামামূৰ্তিৰ আদৰ্শ লৈ আগবাঢ়িছে।
কোটিপতি হৈও তেওঁক সদায় সাধাৰণ মানুহৰ জীৱনে আকৃষ্ট কৰিছিল। সেয়ে, তেওঁ কেতিয়াও নিজকে আভিজাত্যৰ মাজত ৰখা নাছিল। তেওঁৰ এই আদৰ্শটোৱেই তেওঁক জীৱনত ইমান সফল কৰি তুলিছিল।
