সুৰাৰ দাম বৃদ্ধি কৰি মহাবিপদত পৰিছে হিমন্ত বিশ্ব শৰ্মা নেতৃত্বাধীন বিজেপি চৰকাৰ৷কাৰণ দাম বৃদ্ধিৰ পাছতে অসমত হ্ৰাস পাইছে বিলাতী সুৰাৰ বিক্ৰী৷সম্প্ৰতি সুৰা বিক্ৰী হ্ৰাস পোৱাক লৈ উগ্বিগ্ন হৈ পৰিছে দিছপুৰ৷উল্লেখ্য যে অসমৰ ৰাজহ সংগ্ৰহৰ সিংহভাগ আহে সুৰা বিক্ৰীৰ জৰিয়তে লাভ কৰা ৰাজহৰ পৰা এনে অৱস্থাত পূৰ্বৰ তুলনাত সুৰা বিক্ৰীৰ হাৰ হ্ৰাস পোৱা ঘটনাই ঋণৰ বোজাত ককবকাই থকা অসমৰ বাবে অশনি সংকেত কঢ়িয়াই আনিছেহাজাৰ কোটিৰ ঋণ লোৱা অসম চৰকাৰৰ এইবাৰ শেষ ভৰষা সুৰা৷কিছুমানৰ আগতে প্ৰকাশ পাইছিল যে, অসমত অভাৱনীয় হাৰত হ্ৰাস পাইছে সুৰাৰ বিক্ৰীৰ পৰিমাণ৷প্ৰতিবেদনত প্ৰকাশ পাইছিল যে অসমত ৫০% মদৰ বিক্ৰী হ্ৰাস পাইছে৷মদৰ বিক্ৰী হ্ৰাস হোৱাত ৰাজধানী দিছপুৰত হুৱাদুৱা লাগিছিল৷যাৰ পৰিপ্ৰেক্ষিতত এইবাৰ দিছপুৰে সুৰা ব্যৱসায়ীসকলক বান্ধি দিছিল সুৰা বিক্ৰীৰ টাৰ্গেট৷
আবকাৰী বিভাগে প্ৰকাশ কৰা অনুসৰি অসমত বৰ্তমান ১৭০৭খন ৱাইন শ্বপ,৯২৩খন বাৰ আৰু ৩৭৩খন দেশীয় সুৰাৰ বিপনী আছে৷তদুপৰি আবকাৰী বিভাগে নতুনকৈ ২৬খন জিলাত ২০৩খন সুৰাৰ বিপনীৰ অনুজ্ঞাপত্ৰ প্ৰদানৰ প্ৰক্ৰিয়া অব্যাহত ৰাখিছে৷চলিত বৰ্ষৰ জানুৱাৰী পৰ্যন্ত ৰাজ্যত আবকাৰী ৰাজহ সংগ্ৰহ হৈছে ৩,৮১৬কোটি টকা৷কিন্তু ঋণৰ দ্বাৰা ৰাজ্য চলোৱা হিমন্ত বিশ্ব শৰ্মা চৰকাৰে আবকাৰী ৰাজহ বৃদ্ধিৰ উদ্দেশ্যে ৮ মাহত দুবাৰকৈ সুৰাৰ দাম বৃদ্ধি কৰে আৰু আবকাৰী ৰাজহ ৪,৫০০ কোটি সংগ্ৰহৰ লক্ষ্য বান্ধি লয়৷
তথ্য অনুসৰি আবকাৰী বিভাগে গুৱাহাটীৰ প্ৰতিখন ৱাইন শ্বপক প্ৰতিমাহে ৪,৫০০ লিটাৰ বিলাতী সুৰা আৰু ৩,৩১০ লিটাৰ বীয়েৰ বিক্ৰীৰ টাৰ্গেট বান্ধি দিছে৷কিন্তু এইবাৰ চৰকাৰৰ সকলো পৰিকল্পনা ধূলিসাৎ হৈ পৰিছে৷এখন অসমীয়া বাতৰি কাকতে আবকাৰী বিভাগৰ শীৰ্ষ বিষয়াৰ উদ্ধৃতি দি উল্লেখ কৰিছে যে,উৎসৱৰ দিনত গতানুগতিক সুৰা বিক্ৰীতকৈ অধিক সুৰা বিক্ৰী হোৱাৰ বিপৰীতে সাধাৰণ দিনত ৬-৭ কোটি টকা সুৰা বিক্ৰী হৈছিল কিন্তু এই পৰিমাণ এতিয়া ৪-৫কোটিলৈ হ্ৰাস পাইছে যি পূৰ্বৰ তুলনাত ৩৩% হ্ৰাস পাইছে৷তদুপৰি মদৰ দামবৃদ্ধিৰ পাছতে অসমৰ একাংশ গ্ৰাহকে খানাপাৰাস্থিত মেঘালয়ৰ সুৰাৰ বিপনীত সুৰা ক্ৰয় কৰিছে যাৰ বাবে অসম চৰকাৰে চুবুৰীয়া ৰাজ্যখনক মদৰ দাম বৃদ্ধি কৰিবলৈ আহ্বান জনাইছে৷
