বিপুল খাটনিয়াৰ অসমৰ গল্প সাহিত্যৰ জগতৰ অন্যতম এক জনপ্ৰিয় নাম। গল্পকাৰ খাটনিয়াৰৰ বহুকেইটা গল্পই তেওঁৰ পাঠকসকলৰ অন্তৰ চুই যাবলৈ সক্ষম হৈছিল।
যোৱা বৰ্ষৰ ৪ জুলাইত গল্পকাৰগৰাকীয়ে ৬৮ বছৰ বয়সত শেষ নিশ্বাস ত্যাগ কৰে। তালৈ লক্ষ্য ৰাখি বিপুল খাটনিয়াৰ সোঁৱৰণী মঞ্চ আৰু নতুন সাহিত্য পৰিষদৰ দক্ষিণ গুৱাহাটী শাখাৰ যৌথ উদ্যোগত অহা ৪ জুলাইৰ বিয়লি ৩.৪৫ বজাৰ পৰা উজান বজাৰৰ বিবেকানন্দ কেন্দ্ৰত খাটনিয়াৰৰ মৃত্যু বৰ্ষপূৰ্তি তথা বক্তৃতানুষ্ঠানৰ আয়োজন কৰিছে।
অনুষ্ঠানটোত সভাপতিততত্ব কৰিব অহিজুদ্দিন শ্বেখে। আমন্ত্ৰিত অতিথি হিচাপে থাকিব বিশিষ্ট সাহিত্যিক অৰূপা পাটংগীয়া কলিতা। বক্তৃতা প্ৰদান কৰিব বিশিষ্ট সমালোচক বিভাস চৌধুৰী, কবি-চলচ্চিত্ৰ সমালোচক মনোজ বৰপূজাৰী আৰু কবি সমীন্দ্ৰ হুজুৰীয়ে।
অনুষ্ঠানটোতে ‘খোজৰ শব্দ’ নামেৰে এখনি স্মৃতিগ্ৰন্থও মুকলি কৰা হ’ব। ‘বিপুল খাটনিয়াৰ সোঁৱৰণি মঞ্চ’ৰ হৈ ৰীণা খাটনিয়াৰ, সঞ্জীৱপল ডেকা, ৰশ্মিৰেখা বৰা আৰু নতুন সাহিত্য পৰিষদ, দক্ষিণ গুৱাহাটী শাখাৰ হৈ সুভষ শৰ্মা আৰু নীলিমা দত্ত চৌধুৰীয়ে এক প্ৰেছ বিজ্ঞপ্তিৰ জৰিয়তে সমূহ সাহিত্য অনুৰাগীক অনুষ্ঠানটোত উপস্থিত থাকিবলৈ অনুৰোধ জনাইছে।
