কৃত্ৰিম বুদ্ধিমত্তাৰ সন্দৰ্ভত ফেচবুকৰ মূল কোম্পানী মেটাই ডাঙৰ ঘোষণা কৰিছে। আচলতে এই বছৰৰ মে’ মাহত মেটাই তেওঁলোকৰ নিয়মত কিছু নতুন পৰিৱৰ্তন কৰিবলৈ ওলাইছে।
মেটাৰ মতে, কোম্পানীটোৱে ফেচবুক, ইনষ্টাগ্ৰাম আৰু থ্ৰেডছত কৃত্ৰিম বুদ্ধিমত্তা (এআই)ৰ দ্বাৰা সৃষ্টি হোৱা ভিডিঅ’, ছবি আৰু অডিঅ’ত মেড উইথ এআই লেবেল প্ৰয়োগ কৰিবলৈ আৰম্ভ কৰিব।
মেটাৰ অভাৰচাইট ব’ৰ্ডে পৰামৰ্শ দিছিল যে কোম্পানীটোৱে নিজৰ পৰিসৰ বৃদ্ধি কৰিব লাগে আৰু কৃত্ৰিম বুদ্ধিমত্তা (এআই) ব্যৱহাৰ কৰি সৃষ্টি কৰা বিষয়বস্তু নিজৰ নিয়মত অন্তৰ্ভুক্ত কৰিব লাগে।
লগতে পঢ়কঃ গ্ৰন্থৰ আদৰ! ৪০ বছৰ ধৰি লিখা ১০৪ পৃষ্ঠাৰ এখন কিতাপ; বিক্ৰী হ’ব প্ৰায় ৪০ লাখ ডলাৰত!
মেটাই নিজৰ বিবৃতিত কয় যে আমি কন্টেন্ট মেনিপুলেচন, ডিপফেক আৰু মিছাৰ সৈতে মোকাবিলা কৰিবলৈ আমাৰ নীতি সলনি কৰিছো। এই কাৰণে, AI সঁজুলি ব্যৱহাৰ কৰি সৃষ্টি কৰা বিষয়বস্তু লেবেলৰ দ্বাৰা চিনাক্ত কৰা হ’ব, যাতে ব্যৱহাৰকাৰীয়ে জানে যে এই বিষয়বস্তু AI ৰ সহায়ত সৃষ্টি কৰা হৈছে, যাৰ ফলত ইয়াক চিনাক্ত কৰাটো সহজ হব।
মেটাৰৰ কন্টেন্ট পলিচিৰ ভাইচ প্ৰেচিডেণ্ট মনিকা বিকাৰ্টে এটা ব্লগ পোষ্টত কয় যে আমি এআই-জেনেৰেটেড ইমেজ, এআই-জেনেৰেটেড ভিডিঅ’ আৰু অডিঅ’ক ‘মেড উইথ এআই’ বুলি লেবেল দিম। আমি ইতিমধ্যে AI সঁজুলি ব্যৱহাৰ কৰি সৃষ্টি কৰা বাস্তৱমুখী ছবিসমূহক ‘AI ৰ সৈতে কল্পনা কৰা’ বুলি লেবেল লগাইছো যদিও ই আৰু স্পষ্ট হ’বলৈ ওলাইছে।
বিকাৰ্টে লগতে কয় যে মেটাই আন কোম্পানীসমূহৰ জেনেৰেটিভ এআই সঁজুলিৰ দ্বাৰা সৃষ্টি কৰা ছবিসমূহ ধৰি ৰখাৰ উপায় বিচাৰি পাইছে, কিন্তু সেয়া কেতিয়া কাৰ্যকৰী কৰা হ’ব সেয়া এতিয়াও জনা হোৱা নাই।
তথ্য অনুসৰি, এই নিয়ম কেৱল ফেচবুক, ইনষ্টাগ্ৰাম আৰু থ্ৰেডতহে প্ৰযোজ্য হ’ব। হোৱাটছএপ আৰু অন্যান্য সেৱাৰ বাবে বেলেগ নিয়ম আছে।
