ছাবিনা পাৰ্কত অষ্ট্ৰেলিয়াই প্ৰথম ইনিংছত ২২৫ ৰান সংগ্ৰহ কৰে। ইয়াৰ উত্তৰত ৱেষ্ট ইণ্ডিজে সংগ্ৰহ কৰে ১৪৩ ৰান। দ্বিতীয় ইনিংছত অষ্ট্ৰেলিয়াই ১২১ ৰানত অল আউট হয়। কেৰিবিয়ানৰ লক্ষ্য আছিল ২০১ ৰান। আৰু ষ্টাৰ্কে প্ৰথমটো বলতেই উইকেট দখল কৰে। মুঠতে অষ্ট্ৰেলিয়াৰ পেচাৰগৰাকীয়ে প্ৰথম অভাৰত তিনিটা উইকেট দখল কৰে। ফলত প্ৰথম অভাৰত ৱেষ্ট ইণ্ডিজৰ স্ক’ৰ হয় শূন্য ৰানত তিনি উইকেট।
সেই ৱেষ্ট ইণ্ডিজৰ স্ক’ৰকাৰ্ড অতি সোনকালেই ৫ ৰানত ৪ টা উইকেট, ৭ ৰানত ৫ টা উইকেট, ১১ ৰানত ৬ টা উইকেট, ২৬ ৰানত ৭ টা উইকেট, ২৬ ৰানত ৮ টা উইকেট, ২৬ ৰানত ৯ টা উইকেট আৰু ২৭ ৰানত ১০ টা উইকেটলৈ ৰূপান্তৰিত হ’ল৷ শূন্য ৰাণতে আউট হৈছিল কেৰিবিয়ানৰ ৭ জনকৈ বেটছমেন। যিটো টেষ্টৰ এটা ইনিংছত সৰ্বাধিক।
টেষ্ট ইতিহাসত দ্বিতীয় সৰ্বনিম্ন স্ক’ৰ কৰে ৱেষ্ট ইণ্ডিজে। ষ্টাৰ্কৰ বলত মিছফিল্ড নহ’লেও আৰু অষ্ট্ৰেলিয়াই কেচ নেপেলোৱা হ’লেও কেৰিবিয়ান দল লজ্জাৰ সন্মুখীন হ’লহেঁতেন। অৱশ্যে নিউজিলেণ্ডে এতিয়াও টেষ্ট ইনিংছত সৰ্বনিম্ন স্ক’ৰৰ লাজৰ বোজা কঢ়িয়াই নিব লাগিব। ১৯৫৫ চনত ইংলেণ্ডৰ বিৰুদ্ধে ২৬ ৰানত অল আউট হৈছিল নিউজিলেণ্ড।
মুঠতে ৱেষ্ট ইণ্ডিজে দ্বিতীয় ইনিংছত ১৪.৩ অভাৰ (৮৭ বল) খেলিব পাৰে। এইটো তৃতীয় সৰ্বনিম্ন টেষ্ট ইনিংছ (অল আউট হোৱাৰ ক্ষেত্ৰত)। এইক্ষেত্ৰত দক্ষিণ আফ্ৰিকাৰ ১২.৩ অভাৰৰ ইনিংছ শীৰ্ষত আছে। ১৯২৪ চনত ইংলেণ্ডৰ বিৰুদ্ধে ৩০ ৰানত অল আউট হৈছিল দলটো। শ্ৰীলংকাৰ ১৩.৫ অভাৰৰ ইনিংছটো দ্বিতীয় স্থানত আছে। যোৱা বছৰ দক্ষিণ আফ্ৰিকাৰ বিৰুদ্ধে শ্ৰীলংকাই সেই লজ্জাৰ অভিলেখৰ সন্মুখীন হৈছিল।
নিজৰ ক্ৰিকেটৰ ইতিহাসত সৰ্বনিম্ন স্ক’ৰ কৰে ৱেষ্ট ইণ্ডিজে। কেৰিবিয়ানৰ এতিয়ালৈকে সৰ্বনিম্ন স্ক’ৰ আছিল ৪৭। ২০০৪ চনত ইংলেণ্ডৰ বিৰুদ্ধে ছাবিনা পাৰ্কত ৪৭ ৰানত অল আউট হৈছিল। আকৌ ৱেষ্ট ইণ্ডিজৰ ইতিহাসত দুটা ইনিংছত মিলি সৰ্বনিম্ন মুঠ স্ক’ৰৰ লজ্জাৰ সন্মুখীন হ’বলগীয়া হৈছিল ৰষ্টন চেজ বাহিনী। অষ্ট্ৰেলিয়াৰ বিৰুদ্ধে তেওঁলোকে দুটা ইনিংছত মুঠ ১৭০ ৰান সংগ্ৰহ কৰে। এতিয়ালৈকে সেইটো ১৭৫ ৰান (১৯৫৭ চনত) আছিল।
অষ্ট্ৰেলিয়াৰ পেচাৰ স্কট ব’লেণ্ডে গোলাপী বলৰ টেষ্টত হেট্ৰিক লোৱা প্ৰথমজন বলাৰ হিচাপে পৰিগণিত হয়। কিংষ্টনত ৱেষ্ট ইণ্ডিজৰ দ্বিতীয় ইনিংছত তেওঁ দুটা অভাৰ বলিং কৰে। তেওঁ দুই ৰাণ দিয়ে। তেওঁ এটা অভাৰ মেডেন কৰে। আৰু তিনিটা উইকেট ল’লে। অৰ্থাৎ তেওঁৰ বলিঙ ফিগাৰ ২-১-২-৩। তেওঁ দ্বিতীয় অভাৰৰ প্ৰথম তিনিটা বলত তিনিজন কেৰিবিয়ান বেটছমেনক আউট কৰি হেট্ৰিক সম্পূৰ্ণ কৰে।
পুৰুষৰ টেষ্টৰ ইতিহাসত এটা ইনিংছত সৰ্বাধিক দ্ৰুতগতিত পাঁচ উইকেট দখল কৰাৰ অভিলেখ গঢ়ে ষ্টাৰ্কে। ষ্টাৰ্কে ১৫টা বলত ৫টা উইকেট দখল কৰে। পূৰ্বৰ অভিলেখ আছিল ১৯টা বলত। এৰনি তোছাক (১৯৪৭ বনাম ভাৰত), ষ্টুয়াৰ্ট ব্ৰড (২০১৫, বনাম অষ্ট্ৰেলিয়া) আৰু ব’লেণ্ডে (২০২১, বনাম ইংলেণ্ড) ১৯টা বলত ৫টা উইকেট দখল কৰিছিল। ষ্টাৰ্কৰ দ্বিতীয় ইনিংছৰ বলিঙৰ ফিগাৰ আছিল ৭.৩-৪-৯-৬।
কিংষ্টন টেষ্টত দুয়োটা দলে মিলি ৫১৬ ৰান সংগ্ৰহ কৰে। দুয়োটা দল দুবাৰকৈ অল আউট হোৱাৰ পিছত, যিটো পুৰুষৰ টেষ্ট ইতিহাসৰ সপ্তম সৰ্বনিম্ন স্ক’ৰ আৰু ১৯১০ চনৰ পিছত সৰ্বনিম্ন। আকৌ চাৰিটা ইনিংছত মুঠ ১০৪৫টা বল খেলা হৈছিল। যিটো ১৯১০ চনৰ পিছত আটাইতকৈ কম আৰু সামগ্ৰিকভাৱে চতুৰ্থ সৰ্বনিম্ন। লগতে, ৱেষ্ট ইণ্ডিজৰ মাটিত (যিবোৰ ক্ষেত্ৰত ড্ৰ’ হোৱা নাছিল) ই আছিল তৃতীয়খন আটাইতকৈ চুটি টেষ্ট।
দ্বিতীয় ইনিংছৰ প্ৰথম অভাৰত ৱেষ্ট ইণ্ডিজৰ স্ক’ৰ শূন্য ৰানত তিনিটা উইকেট। এই ষষ্ঠবাৰৰ বাবে কোনো দলে শূন্য ৰানত প্ৰথম তিনিটা উইকেট হেৰুৱায়। পুনৰ ছাবিনা পাৰ্কতে ৱেষ্ট ইণ্ডিজৰ প্ৰথম ছয় বেটছমেনে ৬ ৰান সংযোজন কৰে। যিটো পুৰুষৰ টেষ্ট ইনিংছত আটাইতকৈ সৰ্বনিম্ন। এতিয়ালৈকে সৰ্বনিম্ন আছিল ১২ ৰান। ১৮৮৮ চনত ছিডনীত ইংলেণ্ডৰ বিৰুদ্ধে অষ্ট্ৰেলিয়াই সেই দুৰ্যোগৰ সন্মুখীন হৈছিল।
২০০২ চনৰ পিছত দ্বিতীয়বাৰৰ বাবে টেষ্টৰ প্ৰথম অভাৰত তিনিটা উইকেট দখল কৰিবলৈ সক্ষম হৈছে এজন বলাৰে। ২০০৬ চনত পাকিস্তানৰ বিৰুদ্ধে কৰাচী টেষ্টৰ প্ৰথম অভাৰত ভাৰতৰ ইৰফান পাঠানে হেট্ৰিক কৰিছিল। ২০০২ চনৰ পিছত ষ্টাৰ্কে টেষ্ট ইনিংছৰ প্ৰথম অভাৰত দুবাৰকৈ এটাতকৈ অধিক উইকেট দখল কৰা প্ৰথমজন বলাৰ হিচাপে পৰিগণিত হয়। ষ্টাৰ্কে ছাবিনা পাৰ্কত নিজৰ ১০০ সংখ্যক টেষ্ট খেলে।
টেষ্টত ৪০০ উইকেট দখল কৰা দ্বিতীয় দ্ৰুততম খেলুৱৈ হিচাপে পৰিগণিত হয় ষ্টাৰকে। অষ্ট্ৰেলিয়াৰ এই পেচাৰগৰাকীয়ে ১৯,০৬২টা বলত ৪০০ উইকেট দখল কৰে। তেওঁৰ সন্মুখত আছে কেৱল দক্ষিণ আফ্ৰিকাৰ প্ৰাক্তন পেচাৰ ডেল ষ্টেইন। তেওঁ ১৬,৬৩৪টা বলত ৪০০ উইকেট দখল কৰিছিল। ষ্টাৰ্কে গোলাপী বলৰ টেষ্টত এটা ইনিংছত পাঁচটা বা তাতকৈ অধিক উইকেট দখল কৰা সৰ্বাধিকবাৰৰ তালিকাত নিজৰ অগ্ৰগতি বৃদ্ধি কৰে। তেওঁ পাঁচবাৰ সেয়া কৰিছে।
ষ্টাৰ্কে তেওঁৰ ১০০ গৰাকী শ্ৰেষ্ঠ বলিঙৰ তালিকাত শীৰ্ষস্থান দখল কৰে। এতিয়ালৈকে সেই অভিলেখ শ্ৰীলংকাৰ প্ৰাক্তন তাৰকা মুট্টিয়া মুৰলীথাৰণৰ হাতত আছিল। ২০০৬ চনত বাংলাদেশৰ বিৰুদ্ধে ৫৪ ৰানত ৬ উইকেট দখল কৰিছিল শ্ৰীলংকাৰ তাৰকাগৰাকীয়ে। পুৰুষৰ টেষ্টত হেট্ৰিক কৰা দশম অষ্ট্ৰেলিয়ান বলাৰ হিচাপে পৰিগণিত হয় ব’লেণ্ড। টেষ্টত অষ্ট্ৰেলিয়ানৰ হেট্ৰিকৰ সংখ্যা ১২টা। আগত আছে মাত্ৰ ইংলেণ্ড (১৫)।
টেষ্টৰ ইতিহাসত ১৬ বাৰ কোনো এটা দলৰ কোনো বেটছমেনে অৰ্ধশতক অৰ্জন কৰা নাই (১৬ বাৰৰ ভিতৰত ৯ বাৰ ১৯০০ চনত ঘটিছিল)। ছাবিনা পাৰ্কত সৰ্বাধিক ৪৮ ৰান সংগ্ৰহ কৰে ষ্টিভ স্মিথে। এই টেষ্টৰ আগতে শেষবাৰৰ বাবে সেইটো ঘটিছিল ২০১৫ চনত। নাগপুৰত সেই টেষ্টত ভাৰত আৰু দক্ষিণ আফ্ৰিকা মুখামুখি হৈছিল।
