গুগল প্লেষ্ট’ৰলৈ আকৌ এবাৰ উভতি আহিছে মিত্ৰো এপ। চীনৰ এপ টিকটিকৰ বিকল্প হিচাপে এইটো হৈছে ভাৰতীয় এপ। সৰু ভিডিঅ’ নিৰ্মাণ কৰাৰ বাবে এই এপটো বহুতেই ডাউনলোড কৰিছিল।
এইবাৰ এপটোৰ প্ৰাইভেট পলিচিৰ কেইবাটাও সালসলনি ঘটোৱা হৈছে।
গুগলে পূৰ্বেই কৈছিল যে যদি মিত্ৰো এপত থকা বিসংগতিসমূহ সম্পূৰ্ণ অঁতৰাই দিয়া হয় তেতিয়াহ’লে এপটো পুনৰ প্লে’ষ্টৰলৈ আনিব পৰা যাব পাৰে।
ইপিনে, প্ৰাইভেট পলিচিত যি পৰিৱৰ্তন অনা হৈছে সেয়া পেইজত দেখা পোৱা গৈছে।
এপটোত ভিডিঅ’ আপলোড কৰাৰ উপৰিও আন কেইবাটাও বিসংগতি আছিল আৰু সেইবোৰ ঠিক কৰা হৈছে।
অৱশ্যে, প্ৰথমতে এপটোৱে ৪.৫ষ্টাৰ ৰেটিং লাভ কৰিছিল সেয়া এতিয়া ৩.৭ষ্টাৰত ৰৈ গৈছে।
এপটো গুগল প্লেষ্ট’ৰৰ পৰা অঁতৰোৱাৰ পূৰ্বে প্ৰায় ৩০লাখ লোকে ডাউনলোড কৰিছিল।
উল্লেখ্য যে গুগলে মিত্ৰো আৰু Remove China Apps নামৰ দুটা এপছ প্লেষ্ট’ৰৰ পৰা অঁতৰাই দিছিল।
এই সম্পৰ্কত গুগলে স্পষ্ট কৰি দি কৈছিল যে গুগলৰ পলিচি অনুসৰি আন এপছৰ কন্টেন্টত সালসলনি নকৰাকৈ বা অলপ যোগ দি আপলোড কৰোৱা বা আন এপছক কোনো এপৰ জৰিয়তে অঁতৰোৱাটো ইয়াৰ পলিচিৰ বিৰোধী।
এই এপটোৰ ডেভেলপাৰ তথা আই আই টি ৰুৰকীৰ ছাত্ৰ শংবাংক আগৰৱালে ছোৰ্স কোড এটা পাকিস্তানী কোম্পানী Qboxusৰ পৰা ক্ৰয় কৰিছিল।
ইয়াকেই তেওঁ ৰি-ব্ৰেণ্ড কৰি ভাৰতত মিত্ৰো নামেৰে মুকলি কৰি দিয়ে। আগৰৱালে কোডিং তথা প্ৰাইভেট পলিচিত কোনো ধৰণৰ সালসলনি কৰা নাছিল।
পাকিস্তানী কোম্পানীটোৱ ইয়াৰ নাম টিকটিক ৰাখিছিল আৰু অতি কম দামতে আগৰৱালক সেইটো বিক্ৰী কৰিছিল।
