এশিঙীয়া গঁড়ৰ বাসস্থলী কাজিৰঙা ৰাষ্ট্ৰীয় উদ্যান। তাতেই ছাফাৰী কৰি থকাৰ সময়ত এগৰাকী মহিলা আৰু তেওঁৰ কন্যা এক ভয়ংকৰ অভিজ্ঞতাৰ সন্মুখীন হ’ল। বাগৰি ৰেঞ্জত ছাফাৰীৰ সময়ত এখন গাড়ীৰ পৰা ছিটিকি পৰি কেইবাটাও গঁড়ৰ সন্মুখত পৰিল! অৱশ্যে ভাগ্যৰ ফলত তেওঁলোক বাচিল!
ইতিমধ্যে এই ঘটনাৰ ভিডিঅ’ ছ’চিয়েল মিডিয়াত ভাইৰেল হৈ পৰিছে। তাত দেখা গৈছে কাজিৰঙাত কেইবাটাও গঁড় আপোনমনে বিচৰণ কৰি আছে। পিছফালে আছে একে লানিতে পৰ্যটকেৰে ভৰা তিনিখন ছাফাৰী বাহন। সেই গাড়ীবোৰ এটা স্থানলৈ আহি সোঁফালে ঘূৰি যায়। সেই সময়ত এখন গাড়ীৰ পৰা দুজন ছিটিকি পৰে। তেওঁলোক দুয়ো মাতৃ-কন্যা।
মাটিত পৰি দুয়োজনে চিঞৰিবলৈ আৰম্ভ কৰে। শিশুটিয়ে কান্দিবলৈ ধৰে। কিন্তু তেওঁলোকক সহায় কৰিবলৈ কোনো গাড়ী আহিব পৰা নাই। এখন গাড়ীয়ে ওচৰ চাপিবলৈ চেষ্টা কৰে যদিও এটা গঁড় প্ৰায় গাড়ীখনৰ ফালে দৌৰি যায়! ফলতপিছুৱাই যাবলৈ বাধ্য হ’ল। অৱশ্যে অলপ সময়ৰ ভিতৰতে ভাগ্যক্ৰমে দুয়োজনে নিজৰ গাড়ীত উঠিবলৈ সক্ষম হয়। ফলত তেওঁলোকৰ বাচিল।
এনে ছাফাৰীৰ সময়ত মাজে মাজে এনে ঘটনাৰ খবৰ পোৱা যায়। এই সন্দৰ্ভত কেইবাবাৰো পৰ্যটকক সকীয়াই দিয়া হৈছে। একে সময়তে ছাফাৰী কৰ্তৃপক্ষকো নিৰ্দেশনা দিয়া হৈছে। কিন্তু কাজিৰঙা ৰাষ্ট্ৰীয় উদ্যানৰ এই ঘটনাই পুনৰবাৰ পৰ্যটকৰ সুৰক্ষাক লৈ প্ৰশ্ন উত্থাপন কৰিলে। কোনো কোনোৱে কয় যে এই ঠাইবোৰত পৰ্যটকৰো কিবা ভুল আছে। অতি উত্তেজিত হৈ নিয়ম ভংগ কৰে। সেইটো হ’ব নালাগে।
