তেলেগু অভিনেতা নাগা চৈতন্য আৰু অভিনেত্ৰী শোভিতা ধুলিপালাৰ প্ৰেম কাহিনীয়ে বিগত কেইবছৰমানৰ পৰা বাতৰিৰ শিৰোনাম দখল কৰি আহিছে। আজি অৰ্থাৎ বৃহস্পতিবাৰেই তেওঁলোকৰ বাগ্দান হ’বলৈ ওলাইছে। বাতৰি অনুসৰি, ৮ আগষ্টত এই দুই প্ৰেমিক যুগলৰ এংগেজমেণ্ট হ’ব।
সূত্ৰ অনুসৰি, বৃহস্পতিবাৰে সন্ধিয়া নাগা চৈতন্য আৰু শোভিতা ধূলিপালাৰ বাগ্দান হ’ব। অতি ব্যক্তিগত আৰু অন্তৰংগ হ’ব লগা এই অনুষ্ঠানটো সন্ধিয়া নাগাৰ্জুনৰ ঘৰত অনুষ্ঠিত হ’ব। এই খবৰটো চচিয়েল মিডিয়াত বোধহয় প্ৰথমে শ্বেয়াৰ কৰিব নাগাৰ্জুনে। নগা চৈতন্যৰ ভাতৃ অমলা আকিনেনী আৰু অখিলৰ লগতে শোভিতাৰ পিতৃ-মাতৃ উপস্থিত থাকিব।
ইয়াৰ পূৰ্বে নাগাই অভিনেত্ৰী সামান্থা ৰুথ প্ৰভুৰ সৈতে বিবাহপাশত আৱদ্ধ হৈছিল। এসময়ত সকলোৱে দুয়োকে শক্তিশালী দম্পতী হিচাপে বিবেচনা কৰিছিল। অৱশ্যে ২০২১ চনত সামান্থা আৰু নাগাই বিচ্ছেদৰ কথা ঘোষণা কৰে। তেতিয়াৰ পৰাই নাগা (৩৭) আৰু শোভিতাৰ (৩২) ডেটিঙৰ বাতৰি প্ৰচাৰ হৈছিল।
জানিব পৰা মতে, নাগাৰ পৰিয়ালটোৱেও শোভিতাক বৰ ভাল পায়। আনকি, চিনেমাৰ অনুষ্ঠানত নাগাৰ্জুনে নিজৰ হ’বলগীয়া বোৱাৰীৰ কথাও কৈছিল আৰু কৈছিল, ‘তাই (চিনেমাখনত) বহুত ভাল আছিল। মানে মোৰ হয়তো এনেকৈ কোৱা উচিত নহয়, কিন্তু ছবিখনত তাই হট আছিল। তাৰ মাজতে এনে কিবা এটা আছে যিটো অতি আকৰ্ষণীয়।’
২০২৪ চনৰ শেষৰ ফালে নাগা চৈতন্য আৰু শোভিতাই বিবাহপাশত আবদ্ধ হোৱাৰ সম্ভাৱনা আছে। কোৱা হৈছে যে বৃহস্পতিবাৰে সন্ধিয়া ছ’চিয়েল মিডিয়াত প্ৰকাশ পাব এংগেজমেণ্টৰ ফটো।
ইফালে বৰুণ ধাৱনৰ সৈতে ‘চিটাডেল’ ছিৰিজৰ প্ৰচাৰত ব্যস্ত আছে সামান্থা। ২০১৭ চনৰ ৬ আৰু ৭ অক্টোবৰত গোৱাত সামান্থা আৰু নাগা চৈতন্যই বিবাহপাশত আৱদ্ধ হৈছিল। তেওঁলোকৰ বিবাহ মাত্ৰ চাৰি বছৰ বৰ্তি আছিল আৰু ২০২১ চনৰ অক্টোবৰ মাহত তেওঁলোকে বিচ্ছেদ হোৱাৰ কথা ঘোষণা কৰে।
