নাগালেণ্ডত বুধবাৰে নতুনকৈ ৪৫ গৰাকী লোক কোভিড প’জিটিভ হয়। ইয়াৰ ফলত ৰাজ্যখনত মুঠ কোভিড আক্ৰান্ত লোকৰ সংখ্যা ১১২৫৪ গৰাকীলৈ বৃদ্ধি পায়।
নাগালেণ্ডৰ শেহতীয়া কোভিড পৰিস্থিতি সন্দৰ্ভত উল্লেখ কৰি স্বাস্থ্য মন্ত্ৰী এছ পাংগানয়ু ফোমে টুইটাৰত লিখে, ‘‘আপডেট! নতুনকৈ আজি ৪৫ গৰাকী কোভিড প’জিটিভ লোক নাগালেণ্ডত চিনাক্ত হৈছে।’’
নতুনকৈ কোভিড প’জিটিভ হোৱা ৪৫ গৰাকী ব্যক্তিৰ ভিতৰত ডিমাপুৰত ২২ গৰাকী, টুৱেনচাঙত ১৩ গৰাকী, কোহিমাত৯ গৰাকাৰী আৰু কিফিৰে জিলাত ১ গাৰকী প’জিটিভ হৈছে।
বুধবাৰে পাহাৰীয়া ৰাজ্যখনত পূৰ্বে কোভিড প’জিটিভ হোৱা ১৬৪ গৰাকী ব্যক্তি চিকিৎসাৰ অন্তত সুস্থ হৈ উঠে।
নাগালেণ্ডৰ স্বাস্থ্য মন্ত্ৰী গৰাকীয়ে প্ৰকাশ কৰা অনুসৰি কোভিড মুক্ত হোৱা ১৬৪ গৰাকী ব্যক্তিৰ ভিতৰত ডিমাপুৰত ১১২ গৰাকী, কোহিমাত ৩৫ গৰাকী, পেৰেনত ১২ গৰাকী আৰু পাঁচগৰাকী মুন জিলাত সুস্থ হৈ উঠে।
উল্লেখযোগ্য যে, এইপৰ্যন্ত নাগালেণ্ডত ১০,৩৫৮ গৰাকী ব্যক্তি চিকিৎসাৰ অন্তত কোভিডৰ সংক্ৰমণৰ পৰা সুস্থ হৈ উঠিছে।
নাগালেণ্ডত বৰ্তমান সময়ত ৭২০ গৰাকী সক্ৰিয় কোভিড ৰোগী আছে।
বুধবাৰ পৰ্যন্ত নাগালেণ্ডত ৫৭ গৰাকী ব্যক্তিয়ে কোভিডৰ সংক্ৰমণৰ ফলত প্ৰাণ হেৰুৱাইছে।
