অভিনেত্ৰী উৰ্বশী ৰাউটেলাই “জেএনইউ: জাহাংগীৰ ৰাষ্ট্ৰীয় বিশ্ববিদ্যালয়” ছবিখনৰ প্ৰচাৰৰ সময়ত এক অভাৱনীয় দাবী উত্থাপন কৰিলে। পৰৱৰ্তী লোকসভা নিৰ্বাচনত থিয় দিছে উৰ্বশী। তেওঁ হেনো টিকটো পাই গৈছে। এই মুহূৰ্তত তেওঁ চিন্তা কৰি আছে ৰাজনীতিত ভৰি দিব নে নাই!
অভিনেত্ৰীগৰাকীৰ শেহতীয়া সাক্ষাৎকাৰৰ ভিডিঅ’ ভাইৰেল হ’বলৈ বেছি সময় নালাগিল। ইয়াৰ পিছতে তোলপাৰ লাগিল বলীউড। ভাইৰেল ভিডিঅ’টোত অভিনেত্ৰীগৰাকীয়ে অনুৰাগীসকলৰ ওচৰত এটি বিশেষ আহ্বান জনায়।
লগতে পঢ়কঃ বয়স মাত্ৰ ৪২ বছৰ! কৰ্কট ৰোগত আক্ৰান্ত ব্ৰিটিছ ৰাজপৰিয়ালৰ বোৱাৰী কেট মিডলটন; চলিছে কেমোথেৰাপি
তেওঁ কয়, “মই ৰাজনীতিত প্ৰৱেশ কৰিম নে নকৰিম সেইটো সিদ্ধান্ত ল’ব পৰা নাই। আপোনাৰ মতামত জানিব বিচাৰিছো। অনুগ্ৰহ কৰি মন্তব্য কৰি জনাওক।”
এগৰাকী ছ’চিয়েল মিডিয়া ব্যৱহাৰকাৰীয়ে অভিনেত্ৰীগৰাকীৰ পোষ্টত মন্তব্য কৰে, “ৰাজনীতিত যোগদান কৰা আটাইতকৈ কম বয়সীয়া ভাৰতীয় মহিলা”!
আন এজনে লিখিছে, “আপুনি ছিৰিয়াছ নে ধেমালি কৰিছে?” এজনে কটাক্ষভাৱে অভিনেত্ৰীগৰাকীক অনুৰোধ কৰিলে – “ভন্টি প্লিজ য’ত আছা তাতেই থাকা।”
লগতে পঢ়কঃ IPL 2024: ধোনীৰ ছত্ৰছায়াত নেতৃত্বৰে ঋতুৰাজৰ সফল অভিযান; ধৰাশায়ী বিৰাট বাহিনী
চলিত বৰ্ষৰ ৫ এপ্ৰিলত মুক্তি পাব অভিনেত্ৰীগৰাকীৰ নতুন ছবি। তাত ৰবি কিষাণ, ৰশ্মী দেশাই, পীযুষ মিশ্ৰ, সোণালী ছেহগল, বিজয় ৰাজ আদি বহুকেইজন তাৰকাই গুৰুত্বপূৰ্ণ চৰিত্ৰ ৰূপায়ন কৰিছে।
