যোৱা এপ্ৰিল মাহত লোকসভা নিৰ্বাচনৰ প্ৰাকক্ষণত দেশৰ চৰকাৰী টিভি চেনেল দূৰদৰ্শনৰ ল’গ’ নীলাৰ পৰা গেৰুৱালৈ সলনি কৰা হৈছিল। এতিয়া ঠিক ছমাহৰ পাছত কেন্দ্ৰই দূৰদৰ্শনৰ পথ অনুসৰণ কৰি টেলিকম কোম্পানী বি এছ এন এলৰ ৰং নীলাৰ পৰা গেৰুৱালৈ সলনি কৰিছে।
শেহতীয়াকৈ বি এছ এন এলৰ নতুন ল’গ’ প্ৰকাশ পাইছে। দেখা গৈছে যে বি এছ এন এলৰ ল’গ’ৰ ৰংও গেৰুৱালৈ সলনি হৈছে। ইতিমধ্যে ছ’চিয়েল মিডিয়াত ব্যাপক চৰ্চা আৰম্ভ হৈছে। আনহাতে, ইয়াৰ টেগলাইন ‘কানেক্টিং ইণ্ডিয়া’ৰ ঠাইত ‘কানেক্টিং ভাৰত’ কৰা হৈছে।
যেতিয়াই এই ছবিখন ওলাল, তেতিয়া ৰাজনৈতিক মহলৰ এটা অংশই প্ৰতিক্ৰিয়া প্ৰকাশ কৰিলে। দেশৰ বিৰোধী দলসমূহৰ অভিযোগ যে বৰ্তমান মোডী চৰকাৰে দেশৰ প্ৰতিটো কেন্দ্ৰীয় সংস্থাক গেৰুৱাকৰণৰ দিশত আগুৱাই লৈ গৈছে।
লগতে পঢ়কঃ উইলত পোহনীয়া জন্তু, ৰান্ধনী-সহায়কৰো নাম; সম্পত্তিৰ অংশীদাৰ হিচাপে কাৰ কাৰ নাম লিখিছে ৰতন টাটাই?
বিগত সময়তো কেন্দ্রই কেইবাটাও সংস্থা আৰু প্রতিষ্ঠানৰ গেৰুৱাকৰণৰ বাবে বিৰোধীৰ সমালোচনাৰ সন্মুখীন হ’বলগীয়া হৈছিল৷ এইবাৰ দেশৰ অন্যতম টেলিকম সংস্থাৰ গেৰুৱাকৰণ পোহৰলৈ অহাৰ লগে লগে বিতৰ্কৰ সৃষ্টি হৈছে।
এই কেন্দ্ৰীয় টেলিকম সংস্থাটোৱে বিগত কেইবছৰমানৰ পৰা আৰ্থিক সমস্যাত পৰিছে। ২০১৬ চনত মুকেশ আম্বানীৰ ৰিলায়েন্স জিঅ’ মুকলি কৰাৰ পিছত বি এছ এন এলৰ দৰে টেলিফোন আৰু ইণ্টাৰনেট সেৱা ম্লান হৈ পৰিল।
কিন্তু শেহতীয়াকৈ ৰিলায়েন্সৰ জিঅ’ নেটৰ ৰিচাৰ্জৰ মূল্য বৃদ্ধিয়ে জনসাধাৰণক বিপাঙত পেলাইছে। ফলত তেওঁলোকে সস্তা সেৱাৰ বাবে বিএছএনএললৈ ঘূৰি আহিছে। স্বাভাৱিকতে কেন্দ্ৰীয় টেলিকম কোম্পানীটোৰ গ্ৰাহকৰ সংখ্যা বৃদ্ধি পাইছে। ছিম আৰু ইণ্টাৰনেট সংযোগৰ চাহিদাও বৃদ্ধি পাইছে।
লগতে পঢ়কঃ ইৰাণৰ ওপৰত প্ৰত্যক্ষ আক্ৰমণ আৰম্ভ ইজৰাইলৰ; তেহৰাণৰ সামৰিক ঘাটিত ক্ষেপণাস্ত্ৰৰ বৰ্ষণ
যোৱা এপ্ৰিল মাহত দূৰদৰ্শনৰ ল’গ’ৰ ৰং সলনি হৈছিল যদিও কেন্দ্ৰীয় চৰকাৰৰ চেনেলটোৰ প্ৰতীক সলনি হোৱা নাছিল। কিন্তু প্ৰতীকৰ ৰং সলনি হৈছে। চিনাকি নীলা ৰংটো গেৰুৱালৈ সলনি হৈছে। দুৰ্দৰ্শনে ১৯৫৯ চনৰ পৰাই যাত্ৰা আৰম্ভ কৰিছিল। কেবল টিভিৰ আগমনৰ আগতে টেলিভিছন আছিল মনোৰঞ্জনৰ প্ৰধান মাধ্যম। কেবল টিভিৰ উত্থানৰ যুগতো দুৰদৰ্শনৰ প্ৰভাৱ কমি যোৱা নাছিল। চৰকাৰী চেনেল হোৱাৰ বাবে মৰ্যাদাও অক্ষত আছিল।
