বিশ্বৰ আগশাৰীৰ গাড়ী নিৰ্মাণকাৰী উদ্যোগ টাটা মটৰছে নিৰ্মাণ কৰি উলিয়াইছে এখন নতুন গাড়ী৷ যাত্ৰী কঢ়িয়াব পৰা অত্যাধুনিক এছ ইউ ভি ব্ৰেণ্ডৰ এই গাড়ীখন টাটা মটৰছে অচিৰেই বজাৰলৈ মুকলি কৰিব ৷
গুৰুত্বপূৰ্ণ কথাটো হ’ল এয়াই যে বিশ্ব ঐতিহ্য ক্ষেত্ৰ কাজিৰঙা ৰাষ্ট্ৰীয় উদ্যান আৰু এশিঙীয়া গঁড়ৰ লগতে ইয়াৰ বৈচিত্ৰ্যপুৰ্ণ বন্যপ্ৰাণীৰ প্ৰতি শ্ৰদ্ধা জনাই টাটা মটৰছে নতুন মডেলৰ এই গাড়ীখনৰ নাম আনটেমড কাজিৰঙা এডিচন বুলি নামকৰণ কৰিছে ৷
টাটা মটৰছে কাজিৰঙাৰ বন্যপ্ৰাণীৰ মোহনীয় দৃশ্যাৱলীৰে ইতিমধ্যেই এক আকৰ্ষনীয় বিজ্ঞাপন এই গাড়ীখনৰ বাবে মুকলি কৰিছে ৷
গঁড়ৰ এক প্ৰতীকো গাড়ীখনত সংলগ্ন কৰা হৈছে৷ অসম ৰাজ্যিক পৰিবহন নিগমৰ প্ৰতীক চিহ্ন বা অইল ইণ্ডিয়াৰ ল’গ’ৰ পিচতেই বিশ্বৰ আগশাৰীৰ মটৰ গাড়ী নিৰ্মাণ উদ্যোগ টাটা মটৰছৰ নতুন মডেল আনটেমড কাজিৰঙা এডিচনৰ এছ ইউ ভি গাড়ীতো উজলিব কাজিৰঙাৰ গঁড় ৷
নতুন মডেলৰ আটেমড কাজিৰঙা এডিচনৰ এছ ইউ ভি গাড়ীখনক লৈ যথেষ্ট আশাবাদী টাটা মটৰছ ৷ গৌৰাৱান্বিত কাজিৰঙা ৰাষ্ট্ৰীয় উদ্যানো৷
