উত্তৰ-পূব সীমান্ত ৰে’লৱেই কামাখ্যা আৰু গুৱাহাটী আৰু কামাখ্যা ৰে’ল ষ্টেশ্যনৰ দবা পৰিচালনা ডিপোত (Coach Maintenance Depot) থকা ৰে’লৰ দবাসমূহ COVID-19ৰ আইছ’লেশ্যন ৱাৰ্ডলৈ পৰিৱৰ্তন কৰাৰ উদ্যোগ লৈছে।
মালিগাঁওস্থিত উত্তৰ-পূব সীমা্ন্ত ৰে’লৱেৰ কেন্দ্ৰীয় হস্পিটালৰ চিকিৎসা কৰ্মীসকলৰ সৈতে আলোচনা কৰাৰ পিছতে এই সিদ্ধান্ত গ্ৰহণ কৰা হয় বুলি উত্তৰ-পূব সীমা্ন্ত ৰে’লৱেৰ মুখ্য জন সংযোগ বিষয়া শুভণন চন্দাই এক প্ৰেছ বিজ্ঞপ্তি যোগে জানিবলৈ দিয়ে।
‘এটা non-AC শ্লিপাৰ দবাক Covid-19ত আক্ৰান্ত লোকসকলৰ আইছ’লেশ্যন ৱাৰ্ডলৈ পৰিৱৰ্তন কৰা হৈছে। দবাটোৰ প্ৰতিটো কেবিনত এজনকৈ ব্যক্তি ৰখা হ’ব। এটা দবাত ৯টা এনে কেবিন আছে।‘ বিজ্ঞপ্তিটোত প্ৰকাশ।
ইয়াৰ উপৰি উক্ত ৱাৰ্ডত দৰৱ, চিকিৎসা বাবে প্ৰয়োজনীয় বিভিন্ন সা-সঁজুলি ৰখাৰ বাবে সকলো ব্যৱস্থা আছে বুলিও বিজ্ঞপ্তিটোত জনোৱা হয়।
বিজ্ঞপ্তিটোত লগতে কয়, ‘দবাটোত থকা চাৰিটা প্ৰশাৱগাৰৰ এটাক শ্বাৱাৰৰ বৱস্থা থকা স্নানাগাৰলৈ পৰিৱৰ্তন কৰা হৈছে। আইছ’লেশ্যন ৱাৰ্ডসমূহৰ ভিতৰত গৰম কমাই ৰাখিবলৈ দবাটোৰ বেৰ আৰু চালত তাপ ৰোধক বাঁহৰ চালি লগোৱা হৈছে।
