উত্তৰ-পূব ভাৰতত পৰ্যটনৰ প্ৰচাৰৰ বাবে ভাৰতীয় ৰে’লৱেৰ তৰফৰ পৰা ভুচবল আৰু গুৱাহাটীৰ মাজত ভাৰত গৌৰৱ ৰে’ল চলোৱা হ’ব। ৰে’ল নং০০১৩১ ১ জানুৱাৰী, ২০২৫ তাৰিখে ০৮:০০ বজাত ভুচবলৰ পৰা যাত্ৰা আৰম্ভ কৰি ৩ জানুৱাৰী, ২০২৫ তাৰিখে ০৭:৩০ বজাত গুৱাহাটীত আহি উপস্থিত হ’ব।
উভতনি যাত্ৰাৰ দিশত, ৰে’লখন গুৱাহাটীৰ পৰা ৪ জানুৱাৰী, ২০২৫ তাৰিখৰ ১৮:৩০ বজাত প্ৰস্থান কৰি ৭ জানুৱাৰী, ২০২৫ তাৰিখৰ ০৩.৪০ বজাত ভুচবলত গৈ উপস্থিত হ’ব। উভয় পথৰ যাত্ৰাৰ সময়ত ৰে’লখন বিদিশা, মাণিকপুৰ, বাৰাউনি, কাটিহাৰ, নিউ জলপাইগুড়ী, নিউ বঙাইগাওঁ হৈ চলাচল কৰিব।
এই ভাৰত গৌৰৱ বিশেষ ৰে’লখনৰ লক্ষ্য হৈছে ভাৰতবৰ্ষৰ সাংস্কৃতিক বৈচিত্ৰ্য আৰু ঐতিহ্য উদযাপনৰ দ্বাৰা অনন্য ভ্ৰমণ অভিজ্ঞতা প্ৰদান কৰা।
ইয়াৰ উপৰিও, উত্তৰ-পূব সীমান্ত ৰে’লৱেৰ তৰফৰ পৰা যাত্ৰীসকলৰ উন্নততৰ সুবিধাৰ বাবে তলত দিয়া বিৱৰণ অনুসৰি কেইখনমান ৰে’লৰ সময়সূচীৰ সংশোধন কৰাৰ সিদ্ধান্ত গ্ৰহণ কৰা হৈছে:
ৰে’ল নং ০৫৬৩৮ শিলচৰ- নাহৰলগুন এক্সপ্ৰেছ ৬ জানুৱাৰীৰ পৰা ৩১মাৰ্চ, ২০২৫ তাৰিখলৈ প্ৰত্যেক সোমবাৰে শিলচৰৰ পৰা ১৩:১০ বজাত প্ৰস্থান কৰি পিছদিনা ০৮:৪০ বজাত নাহৰলগুনত উপস্থিত হব।
উভতনি যাত্ৰাৰ সময়ত ৰে’ল নং. ০৫৬৩৭ নাহৰলগুন – শিলচৰ এক্সপ্ৰেছ ৭ জানুৱাৰীৰ পৰা ১ এপ্ৰিল, ২০২৫ তাৰিখলৈ প্ৰত্যেক মঙলবাৰে নাহৰলগুনৰ পৰা ১০:০০ বজাত প্ৰস্থান কৰি পিছদিনা ০৫:২০ বজাত শিলচৰত উপস্থিত হব। উভয় দিশৰযাত্ৰাৰ সময়ত ৰে’লখন নিউ হাফলং, লামডিং, ডিমাপুৰ, মৰিয়নি, নিউ তিনিচুকীয়া, ধেমাজি, হাৰমতী হৈ চলাচল কৰিব।
একেদৰে ৰে’ল নং ০৫৬২৮ আগৰতলা– গুৱাহাটী বিশেষ ২জানুৱাৰীৰ পৰা ২৭ মাৰ্চ, ২০২৫ তাৰিখ পৰ্যন্ত প্ৰত্যেক বৃহস্পতিবাৰে আগৰতলাৰ পৰা ১৯:০০ বজাত প্ৰস্থান কৰি পিছদিনা ০৮:৪৫বজাত গুৱাহাটীত উপস্থিত হব।
উভতনি যাত্ৰাৰ সময়ত, ৰে’ল নং০৫৬২৭ গুৱাহাটী-আগৰতলা বিশেষ ৩ জানুৱাৰীৰ পৰা ২৮ মাৰ্চ, ২০২৫ তাৰিখ পৰ্যন্ত প্ৰত্যেক শুক্ৰবাৰে গুৱাহাটীৰ পৰা ১৩:১৫বজাত প্ৰস্থান কৰি পিছদিনা ০৪:১০বজাত আগৰতলাত উপস্থিত হব। উভয় পথৰ যাত্ৰাৰ সময়ত ৰে’লখন আম্বাচা, নিউ কৰিমগঞ্জ, নিউ হাফলং, লামডিং আৰু চাপৰমুখহৈ চলাচল কৰিব।
বিশেষ ৰে’ল সেৱাৰ প্ৰাৰম্ভ আৰু পৰিচালন অনুকূল কৰাৰ জৰিয়তে যাত্ৰীসকলৰ অভিজ্ঞতা বৃদ্ধিৰ বাবে উত্তৰ পূব সীমান্ত ৰে’লৱেই প্ৰতিশ্ৰুতিবদ্ধ। যাত্ৰীসকলে এই সেৱাৰ সুবিধা গ্ৰহণ কৰি আৰামদায়ক ভ্ৰমণ উপভোগ কৰাৰ বাবে উৎসাহিত কৰা হৈছে।
অধিক তথ্যৰ বাবে, যাত্ৰীসকলে চৰকাৰী ৱেবছাইট অৱলোকন কৰিব পাৰিব অথবা নিকটতম ৰে’ল ষ্টেচনৰ সৈতে যোগাযোগ কৰিব পাৰিব। বিস্তৃত আপডেট আৰু তথ্যৰ বাবে যাত্ৰীসকলক উত্তৰ পূব সীমান্ত ৰেলৱেৰ বিভিন্ন চচিয়েল মিডিয়া প্লেটফৰ্ম দৰ্শন কৰাৰ বাবে অনুৰোধ কৰা হল।
