অসমৰ প্ৰাক্তন প্ৰধান মুখ্য বন সংৰক্ষক এম কে যাদৱৰ বিৰুদ্ধে শিৱসাগৰ জিলাৰ গেলেকী সংৰক্ষিত বনাঞ্চলৰ ভিতৰত ২৮ হেক্টৰ বনভূমি অবৈধভাৱে অবনাঞ্চলীয় কামত পৰিৱৰ্তন (ডাইভাৰচন) কৰাৰ অভিযোগত গ্ৰহণ কৰা ব্যৱস্থা সন্দৰ্ভত ৰাষ্ট্ৰীয় সেউজ ন্যায়াধিকৰণে (NGT) কেন্দ্ৰীয় পৰিৱেশ, বন, আৰু জলবায়ু পৰিৱৰ্তন মন্ত্ৰালয়ৰ পৰা উত্তৰ বিচাৰিছে।
ইতিমধ্যে হাইলাকান্দি জিলাৰ ইনাৰ লাইন ৰিজাৰ্ভ বনাঞ্চলৰ ৪৪ হেক্টৰ বনাঞ্চলৰ ভূমি ডাইভাৰচন কৰা অনুৰূপ গোচৰৰ বাবে যাদৱৰ ওপৰত তদন্ত চলি আছে।
গেলেকীৰ ঘটনাত তেওঁৰ বিৰুদ্ধে এনে সিদ্ধান্ত লোৱাৰ এম’ অ’ ই এফ চি চিৰ একচেটিয়া ক্ষমতাক অতিক্ৰমি নিজৰ কৰ্তৃত্বৰ অপব্যৱহাৰ কৰি বনাঞ্চলৰ মাটি অবনাঞ্চলীয় উদ্দেশ্যত পৰিৱৰ্তন কৰাৰ অভিযোগ উত্থাপন হৈছিল।
কমাণ্ডো বেটেলিয়নৰ বাবে প্ৰয়োজনীয় বুলি ডাইভাৰচনক ন্যায্যতা প্ৰদান কৰাৰ পিছতো কোনো গছ কটা হোৱা নাছিল বুলি কৰা যাদৱৰ দাবী এন জি টিৰ সন্দেহৰ সন্মুখীন হৈছে।
লগতে পঢ়কঃ অসম চৰকাৰে ঘোষণা কৰিলে নতুন বদলি নীতি
সেউজ ন্যায়াধিকৰণে আঙুলিয়াই দিছে যে অস্ত্ৰ-শস্ত্ৰ আৰু গোলা-বাৰুদ লৈ ৮০০ জন কৰ্মীৰ বাবে সা-সুবিধা নিৰ্মাণ কৰাটো বন সংৰক্ষণৰ নিৰ্দেশনাৰ বিৰোধী।
গোচৰটো গ্ৰহণ কৰি ন্যায়িক সদস্য ন্যায়াধীশ বি অমিত স্থলেকাৰ আৰু বিশেষজ্ঞ সদস্য ড০ অৰুণ কুমাৰ ভাৰ্মাক লৈ গঠিত এন জি টিৰ ইষ্টাৰ্ণ জ’ন বেঞ্চে এম অ’ ই এফ চি চিক ন্যায়াধিকৰণৰ সন্মুখত বন (সংৰক্ষণ) আইন, ১৯৮০ৰ ২ নং ধাৰা উলংঘা কৰি পেৰেড এৰিয়া, ব্যায়াম কৰা ঠাই, গুলীচালনা কৰা ঠাই, পৰ্যাপ্ত আৱাস আদিৰ সৈতে অস্ত্ৰ, গোলাবাৰুদ আৰু অত্যাধুনিক অস্ত্ৰৰে ৮০০ জন কৰ্মীক ৰখাৰ বাবে স্থায়ী নিৰ্মাণৰ বাবে বনভূমিৰ ব্যৱস্থা কৰি ডাইভাৰচনৰ অনুমতি দিয়া তদানীত্বন পি চি চি এফ এম কে যাদৱৰ বিৰুদ্ধে কি ব্যৱস্থা গ্ৰহণ কৰা হৈছে তাৰ শপতনামা দাখিল কৰিবলৈ কয়।
“আমি আচৰিত হৈছো যে অস্ত্ৰ-শস্ত্ৰ, গোলাবাৰুদ আৰু অত্যাধুনিক অস্ত্ৰধাৰী ৮০০ জন জোৱানক শক্তিশালী স্থায়ী নিৰ্মাণৰ সৈতে ৰখা হৈছে বুলি স্বীকাৰ কৰাৰ পিছতো, এইটো কেনেকৈ কৰিব পাৰিলে য’ত ২০১৯ চনৰ নিৰ্দেশনাতে উল্লেখ কৰা হৈছে যে “সকলো ৰাজ্য চৰকাৰে নিশ্চিত কৰিব লাগে যে মৌলিক মনোভাৱ আৰু বন (সংৰক্ষণ) আইন, ১৯৮০ৰ সাৰমৰ্ম হৈছে আৱাসিক ভৱন, বাংলো, কোৱাৰ্টাৰ আদি নিৰ্মাণৰ বাবে বনভূমিক অন্য দিশলৈ ডাইভাৰচন কৰা নহয়…।” এন জি টিৰ বিচাৰপীঠে ৯ আগষ্টত গৃহীত হোৱা নিৰ্দেশত এইদৰে কয়।
লগতে পঢ়কঃ দেশৰ সকলো ব্ৰেণ্ডেড নিমখ আৰু চেনিতে আছে মাইক্ৰ’প্লাষ্টিক! গৱেষণাত উদ্বেগজনক তথ্য
“….অস্ত্ৰ-শস্ত্ৰ, গোলাবাৰুদ আৰু অত্যাধুনিক অস্ত্ৰ-শস্ত্ৰৰে ৮০০ জন জোৱানৰ বাবে শক্তিশালী নিৰ্মাণে বন সংৰক্ষণত প্ৰভাৱ পেলাব নে নেপেলায় সেইটো সিদ্ধান্ত লোৱাটো অসমৰ পিচিচিএফ কাম নহয় যিহেতু এনে ক্ষেত্ৰত ১৯৮০ চনৰ বন (সংৰক্ষণ) আইন, ২ ৰ বাধ্যতামূলক বিধিগত প্ৰয়োজনীয়তা অনুসৰি সিদ্ধান্ত কেন্দ্ৰীয় চৰকাৰে ল’ব লাগে। পিচিচিএফ, অসমৰ শপতনামাত এনে কামৰ বাবে অনুমতি দিয়াৰ কোনো কথা উল্লেখ নাই।’-এনজিটিয়ে লগতে কয়।
২৯ মে’ত এন জি টিয়ে ঠাইখন পৰিদৰ্শন কৰি শপতনামাৰ আকাৰত প্ৰতিবেদন দাখিল কৰাৰ বাবে তিনিজনীয়া এখন কমিটী গঠন কৰি দিছিল।
পৰিদৰ্শনৰ পিছত এম অ’ ই এফ চি চিৰ ভিতৰত বন (সংৰক্ষণ) আইনখনৰ বাবে দায়বদ্ধ আৰু এই গোচৰৰ বাবে ন’ডেল বিষয়া হিচাপে নিযুক্তি পোৱা বন বিভাগৰ অতিৰিক্ত সঞ্চালক প্ৰধানগৰাকীয়ে প্ৰতিবেদন দাখিল কৰিবলগীয়া আছিল।
অৱশ্যে এই নিৰ্ধাৰিত সময়ৰ ভিতৰত কমিটীয়ে ন্যায়াধিকৰণৰ সন্মুখত কোনো প্ৰতিবেদন দাখিল কৰা নাছিল।
লগতে পঢ়কঃ আদানীৰ শ্বেয়াৰত বৃহৎ পতন! বিশ্বজুৰি উঠিছে মাধৱীৰ পদত্যাগৰ দাবী
এন জি টিয়ে কৈছিল যে আজি ৯ আগষ্ট আৰু ইতিমধ্যে দুমাহ পাৰ হৈ গ’ল যদিও বন বিভাগৰ অতিৰিক্ত সঞ্চালক প্ৰধান (এফ চি), এম অ’ ই এফ এণ্ড চি চিয়ে এই ন্যায়াধিকৰণৰ সন্মুখত এনে কোনো প্ৰতিবেদন দাখিল কৰা নাই।
ন্যায়ধিকৰণে প্ৰয়োজনীয় শপতনামা দাখিল কৰিবলৈ এম’ইএফচিচিক অতিৰিক্ত চাৰি সপ্তাহৰ সময়সীমা প্ৰদান কৰিছে। এই গোচৰৰ পৰৱৰ্তী শুনানি ২০২৪ চনৰ ৪ অক্টোবৰত অনুষ্ঠিত হ’ব।
