নতুনকৈ ৯জনৰ দেহত কোভিড-১৯ পজিটিভ; ৰাজ্যত আক্ৰান্তৰ সংখ্যা ৫৪৮জনলৈ বৃদ্ধি
ৰাজ্যত ৫৪৮ লৈ বৃদ্ধি পাইছে ক’ৰ’না আক্ৰান্ত ৰোগীৰ সংখ্যা।
সোমবাৰে নিশা পুনৰ ৯জন লোকৰ দেহত কোভিড-১৯ পজিটিভ ধৰা পৰে।
উক্ত আক্ৰান্ত লোকসকলৰ আটাইকেইগৰাকীয়েই বৰপেটাৰ।
কোৱাৰেন্টাইনলৈ প্ৰেৰণ কৰাৰ পূৰ্বে লোককেইজনৰ স্বাৱ পৰীক্ষাৰ বাবে গ্ৰহণ কৰা হৈছে।
টুইটাৰযোগে এই কথা উল্লেখ কৰিছে স্বাস্থ্য মন্ত্ৰী ডঃ হিমন্ত বিশ্ব শৰ্মাই।
📌Alert ~ Nine new cases of #COVID19+ reported. Swabs for testing taken before people sent for quarantine.
All from Barpeta.
↗️Total cases 548
↗️Recovered 62
↗️Active cases 479
↗️Deaths 04
↗️Migrated 03Update 11:00 pm / May 25#AssamCovidCount pic.twitter.com/NWcLg6maTM
— Himanta Biswa Sarma (@himantabiswa) May 25, 2020
ৰাজ্যখনত বৰ্তমান সক্ৰিয় ৰোগীৰ সংখ্যা ৪৭৯জন। ৬২জনক ইতিমধ্যে সুস্থ হোৱাৰ পাছত যাবলৈ দিয়া হৈছে।
এতিয়ালৈকে চাৰিজন লোকৰ এই মাৰাত্মক ভাইৰাছৰ ফলত মৃত্যু হৈছে।
সোমবাৰৰ দিনটোত ৰাজ্যত মুঠ ১৫৬ গৰাকী লোক নতুনকৈ আক্ৰান্ত হৈছে এই মাৰাত্মক ভাইৰাছত।
আনহাতে দেওবাৰে ৩২ গৰাকী লোক কৰ’নাত আক্ৰান্ত হৈছিল।
যোৱা ২৩ মেৰ দিনা ৮৭ গৰাকীকৈ লোকৰ দেহত কৰ’নাৰ উপস্থিতি পোৱা গৈছিল।
সেইদৰে, ২২ মে” ৰ দিনা ২২ গৰাকীকৈ লোক আক্ৰান্ত হৈছে কোভিড-১৯ ত।
ৰাজ্যত পাঁচদিনৰ ভিতৰত তিনি শতাধিক লোক কোভিড-১৯ ত আক্ৰান্ত হৈছে।
উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ৪৭৩ গৰাকী লোক আক্ৰান্ত হৈছে এই মাৰাত্মক কোভিড-১৯ত।