প্ৰফেশ্যনেল স্প’ৰ্টছ দলৰ গৰাকী হিচাপে ৰিলায়েন্স ইণ্ডাষ্ট্ৰিজৰ চেয়াৰমেন মুকেশ আম্বানী বিশ্বৰ দ্বিতীয় ধনী ব্যক্তি।
যোৱা বছৰ ফ’ৰ্বছে প্ৰকাশ কৰা বিশ্বৰ ধনী স্প’ৰ্টছ টিম অ’নাৰ্ছ ২০১৯ৰ তালিকাৰ শীৰ্ষত আছিল আম্বানী। কিন্তু আম্বানী এইবছৰ তালিকাৰ দ্বিতীয় স্থানত থাকে।
স্প’ৰ্টছ দলৰ ধনী স্বত্তাধিকাৰীৰ তালিকাত এবাৰ প্ৰথম স্থানত থাকে মাক্ৰ’ছফ্টৰ প্ৰাক্তন চি ই অ’ ষ্টিভ বালমাৰ। শেহতীয়াকে বালমাৰে লছ এঞ্জলেছ ক্লিপাৰ্ছ দলটো ক্ৰয় কৰিছিল।
উল্লেখ্য যে বিশ্বৰ প্ৰায় ৬০ গৰাকী বিলনিয়াৰে ৮০ টাৰো অধিক আগশাৰীৰ লীগ সমূহৰ দলৰ গৰাকী হিচাপে আছে।
ফ’ৰ্বছে প্ৰাশ কৰা তালিকাৰ তৃতীয় স্থানত আছে লাক্সাৰি গ্ৰুপ কেৰিঙৰ চেয়াৰমেন ফ্ৰানকইছ পিণল্ট। পিনল্ট ষ্টেড ৰেনাইছ এফ চি দলৰ স্বত্তাধিকাৰী।
তালিকাৰ চতুৰ্থ স্থানত আছে এনাৰ্জি ড্ৰিংক কোম্পানি ৰেড বুলৰ প্ৰতিষ্ঠাপক ডেইট্ৰিচ মেটচিটজ। তেওঁ ফৰ্মুলা ৱানৰ ৰেড বুল ৰেচিং আৰু MLSৰ নিউ ৱৰ্ক ৰেড বুলছ দলৰ স্বত্তাধিকাৰী।
ইয়াৰ উপৰি এই তালিকাত থকা আন আন ব্যক্তি কেইগৰাকী হ’ল আইচ হকী দল চান জ’চ চাৰ্কছৰ হাছ’ প্লেটনাৰ, আমেৰিকান ফুটবল দল কেৰ’লিনা প্লান্থাছৰ ডেভিদ টেপাৰ, চেলছি ফুটবল দলৰ স্বত্তাধিকাৰী ৰাছিয়াৰ ৰোমান আব্ৰাম’ভিচ, এল এ গেলেক্সি ছকাৰ ক্লাব আৰু NHL’s লছ এঞ্জেলছ কিংছৰ ফিলিপছ আনছুটজ।
ইয়াৰ উপৰি আছে NFL, MLS,NHL, EPL আৰু NBA দলৰ ষ্টেনলি ক্ৰ’ৱেনকে আৰু ব্ৰুকলিন নেটছৰ জোছেফ ছাই।
