কেন্দ্ৰীয় চৰকাৰে বিগত ২০০৪ চনৰ জানুৱাৰী মাহৰ পৰা পুৰণি পেন্সন ব্যৱস্থা বাতিল কৰি নতুনকৈ ৰাষ্ট্ৰীয় পেন্সন ব্যৱস্থা গ্ৰহণ কৰাত প্ৰতিবাদত মুখৰ হৈ পৰিছে “পুৰণি পেন্সন বাহাল ৰাষ্ট্ৰীয় আন্দোলন” চমুকৈ NMOPS ৰ অসম ৰাজ্যিক সমিতি ৷
কোকৰাঝাৰ চহৰৰ ছোৱালী মহাবিদ্যালয়ৰ প্ৰেক্ষাগৃহত আজি NMOPS ৰ অসম ৰাজ্যিক সমিতিৰ প্ৰথম দ্বি-বাৰ্ষিক সাধাৰণ সভাত ৰাজ্যৰ বিভিন্ন প্ৰান্তৰ পৰা অহা তিনি শতাধিক কৰ্মচাৰী প্ৰতিনিধিৰ উপস্থিতিত পুৰণি পেন্সন ব্যৱস্থা বাহাল ৰখাৰ দাবী উত্থাপন কৰা হয় ৷
নতুন পেঞ্চন নীতিয়ে কৰ্মচাৰীক মাধমাৰ শোধাইছে আৰু বৃদ্ধ জীৱনৰ সুৰক্ষা চৰকাৰে কাঢ়ি লোৱাৰ গুৰুতৰ অভিযোগ তোলে প্ৰতিনিধিসকলে । সভাত
নতুন পেঞ্চন নীতিৰ তীব্ৰ বিৰোধিতা কৰি চৰকাৰে ব্যৱস্থা গ্ৰহণ নকৰিলে জংগী আন্দোলনৰ ভাবুকি দিয়ে NMOPS ৰ অসম ৰাজ্যিক সমিতিয়ে।
দেশত সাত কোটি কৰ্মচাৰীৰ ভোট আছে, গতিকে কৰ্মচাৰীয়ে চৰকাৰ বনাবও পাৰে , ভাঙিবও পাৰে বুলি হুংকাৰ দিয়ে NMOPS ৰ অসম ৰাজ্যিক সমিতিয়ে ৷