জো বিডেনৰ এছিয়া ভ্ৰমণৰ সময়তে পাৰমানৱিক অস্ত্ৰ পৰীক্ষাৰ বাবে প্ৰস্তুতি উত্তৰ কোৰিয়াৰ!

আমেৰিকা যুক্তৰাষ্ট্ৰৰ ৰাষ্ট্ৰপতি জো বিডেনে শুকুৰবাৰে প্ৰথমবাৰৰ বাবে এছিয়া ভ্ৰমণ কৰিব। উত্তৰ কোৰিয়াই আমেৰিকা যুক্তৰাষ্ট্ৰৰ ৰাষ্ট্ৰপতিগৰাকীৰ এছিয়া ভ্ৰমণৰ সময়তে পাৰমাণৱিক অস্ত্ৰ পৰীক্ষা চলাব পাৰে।দক্ষিণ কোৰিয়াৰ এগৰাকী নেতাই বৃহস্পতিবাৰে এই কথা সদৰী কৰে।

আন্তৰ্জাতিক সংবাদ মাধ্যমৰ বাতৰি অনুসৰি বিডেনে এই সপ্তাহতে দক্ষিণ কোৰিয়াৰ ৰাজধানী চিউল ভ্ৰমণ কৰাৰ কথা আছে। আমেৰিকাই আশংকা কৰিছে যে উত্তৰ কোৰিয়াৰ নেতা কিম জং-উনে সেই সময়তে পাৰমাণৱিক অস্ত্ৰ পৰীক্ষা চলাব পাৰে।

লগতে পঢ়ক: Google in Russia: জব্দ বেংক একাউণ্ট, ৰাছিয়াত নিজকে দেউলিয়া ঘোষণা কৰাৰ পথত গুগল!

দক্ষিণ কোৰিয়াৰ চোৰাংচোৱা সংস্থা ৰাষ্ট্ৰীয় চোৰাংচোৱা সেৱাই শেহতীয়াকৈ উত্তৰ কোৰিয়াৰ পাৰমাণৱিক অস্ত্ৰ পৰীক্ষাৰ বিষয়ে তথ্য প্ৰকাশ কৰিছে।

আমেৰিকা যুক্তৰাষ্ট্ৰৰ চোৰাংচোৱাৰ ধাৰণা যে ৰাষ্ট্ৰপতি বিডেনৰ এছিয়া ভ্ৰমণৰ সময়ত উত্তৰ কোৰিয়াই দীৰ্ঘ দূৰত্বৰ ক্ষেপণাস্ত্ৰ বা পাৰমাণৱিক অস্ত্ৰ, হয়তো দুয়োটাই পৰীক্ষা কৰিব পাৰে।

হোৱাইট হাউচৰ ৰাষ্ট্ৰীয় নিৰাপত্তা উপদেষ্টা জেক চুলিভানে কয়, “ৰাষ্ট্ৰপতি বিডেনৰ দক্ষিণ কোৰিয়া আৰু জাপানত থকাৰ সময়ত আমি সকলো সম্ভাৱ্য ঘটনাৰ কথা আগত ৰাখি প্ৰস্তুতি গ্ৰহণ কৰিছো।

লগতে পঢ়ক: World Boxing Championships: বক্সিঙত বিশ্ব চেম্পিয়ন হ’ল ভাৰতৰ নিখাত জাৰিন, স্বৰ্ণ জয়

বাতৰি অনুসৰি, বিডেনৰ পাঁচদিনীয়া এছিয়া ভ্ৰমণৰ কেন্দ্ৰবিন্দু হ’ব চীন। আমেৰিকা যুক্তৰাষ্ট্ৰৰ ৰাষ্ট্ৰপতিগৰাকীয়ে চীনক প্ৰতিহত কৰিবলৈ মিত্ৰশক্তিক দিয়া প্ৰতিশ্ৰুতিৰ নিশ্চয়তা প্ৰদান কৰিব।