উত্তৰ কোৰিয়াৰ শাসকীয় দলৰ ৭৫সংখ্যক বাৰ্ষিক প্ৰতিষ্ঠা দিৱসত দেশখনে এটা নতুন আন্ত:মহাদেশীয় বেলিষ্টিক মিছাইল (আইচিবিএমটি)মুকলি কৰিছে।
দেশখনৰ চৰকাৰী নিয়ন্ত্ৰিত টেলিভিশ্বনত প্ৰচাৰিত ভিডিঅ’ ফুটেজত ২২চকীয়া বাহনৰ ওপৰত স্থাপন কৰা আইচিবিএমটিৰ প্ৰদৰ্শন কৰে।
এতিয়ালৈকে উত্তৰ কোৰিয়াত ইমান বৃহৎ ক্ষেপনাস্ত্ৰ কেতিয়াও প্ৰদৰ্শ কৰা হোৱা নাছিল।
২০১৮ চনৰ পাছত এইবাৰ প্ৰথম উত্তৰ কোৰিয়াই তেওঁলোকৰ সামৰিক কছৰতৰ সময়ত আন্ত:মহাদেশীয় ক্ষেপনাস্ত্ৰ প্দৰ্শন কৰিছে।
শনিবাৰে লগতে উত্তৰ কোৰিয়াৰ নেতা কিম জং উনে এখন বিশাল সেনা সমাৱেশত ভাষণ দিয়ে।
কিমে সকীয়নি প্ৰদান কৰি কয় যে উত্তৰ কোৰিয়াক ধমকি দিলে তেওঁৰ দেশে পৰমানু অস্ত্ৰৰ জৰিয়তে তাৰ প্ৰত্যুত্তৰ দিব।
দেশৰ সুৰক্ষাৰ স্বাৰ্থত উত্তৰ কোৰিয়াই পৰমানু অস্ত্ৰ নিৰ্মাণ কৰিছে বুলি ঘোষণা কৰি কিম জঙে কয় যে বিশেষ কোনো দেশক লক্ষ্য কৰি পৰৱৰ্তী আক্ৰমণ কৰাৰ ইচ্ছা উত্তৰ কোৰিয়াৰ নাই।
কিমে লগতে উত্তৰ কোৰিয়াত এতিয়ালৈকে এজন ব্যক্তিও কৰ’না ভাইৰাছত আক্ৰান্ত হোৱা নাই বুলি দাবী কৰে।
