বিশিষ্ট শিক্ষাবিদ তথা গুৱাহাটী কমাৰ্চ কলেজৰ অৰ্থনীতি বিভাগৰ প্ৰাক্তন অধ্যাপক নিৰুপমা ফুকন আৰু নাই।
গুৱাহাটীৰ খানাপাৰা অঞ্চলৰ ত্ৰিপুৰা ৰোডৰ বাসিন্দা নিৰুপমা ফুকনে দেওবাৰে শেষ উশাহ লোৱাৰ সময়ত তেওঁৰ বয়স আছিল ৮২ বছৰ।
গুৱাহাটীস্থিত জিএনআৰচি চিকিৎসালয়ত বাৰ্ধক্যজনিত কাৰণত চিকিৎসাধীন হৈ আছিল ফুকন। নিৰুপমা ফুকন আছিল অসমৰ সুপৰিচিত উদ্যোগী তথা উদ্যোগপতি – এইচ এল ফুকনৰ পত্নী।
যোৱা বছৰ নিৰুপমা ফুকনৰ স্বামী এইচ এল ফুকনৰ মৃত্যুৰ পিছত এই বছৰ তেৱোঁ পৰিয়ালটোক নিঠৰুৱা কৰি থৈ যায়।
মৃত্যুৰ সময়ত নিৰুপমা ফুকনে ইহসংসাৰত এজন পুত্ৰ আৰু দুগৰাকী কন্যা এৰি থৈ গৈছে ।
গুৱাহাটী কমাৰ্চ কলেজৰ প্ৰাক্তন ছাত্ৰ-ছাত্ৰীকে ধৰি বহু লোকে বিশিষ্ট শিক্ষাবিদগৰাকীৰ মৃত্যুত গভীৰ শোক প্ৰকাশ কৰিছে ।
লগতে পঢ়কঃ বিশিষ্ট সাংবাদিক, ৰাজনীতিবিদ মনজিত মহন্তৰ পৰলোকপ্ৰাপ্তি
লগতে পঢ়কঃ আপত্তি নৰজিল, অপৰিৱৰ্তিত ৰূপত সদনত দাখিল কৰা হ’ব বন সংশোধনী বিধেয়ক
লগতে পঢ়কঃ ঠিকাভিত্তিক শিক্ষকৰ চাকৰি বেতন সুৰক্ষাসহ চৰ্তহীনভাৱে নিয়মীয়া কৰক – ডি ৱাই এফ আই
