বিশ্বজুৰি তেওঁৰ লাখ লাখ অনুৰাগী আছে, একচন চিনেমাৰ জগতত তেওঁ এজন কিংবদন্তি। তেওঁক পৰ্দাত দেখি দৰ্শক মুগ্ধ হৈ পৰে। ভাৱিছে, কাৰ কথানো কোৱা হৈছে? নব্বৈৰ দশকৰ অগণন চিনেমা প্ৰেমীৰ আটাইতকৈ প্ৰিয় তাৰকা অনবদ্য অভিনেতা জেকী চানৰ কথা! কিন্তু তেওঁৰ অভিনয় বা চিনেমাৰ কথা নহয়, তেওঁৰ এক আচৰিত সিদ্ধান্তই শেহতীয়াকৈ অনুৰাগীৰ মাজত আলোড়নৰ সৃষ্টি কৰিছে।
জেকী চান, যি কেৱল এজন অসাধাৰণ অভিনেতাই নহয়, এজন অসাধাৰণ ব্যক্তিও। বিশেষকৈ তেওঁ বিভিন্ন মানৱীয় কাম-কাজত অংশগ্ৰহণৰ বাবে আৰু দানশীলতাৰ বাবে বিশেষভাৱ পৰিচিত। আৰু এইবাৰ তেওঁ যি সিদ্ধান্ত লৈছে সেয়া সঁচাকৈয়ে কল্পনাতীত। ৪০০০ কোটি টকাৰ বিশাল সম্পত্তি দান দিয়াৰ কথা ঘোষণা কৰিছে জেকী চানে! কিন্তু ইয়াৰ আঁৰৰ কাৰণটো আৰু অধিক হৃদয়স্পৰ্শী।
জেকী চানে তেওঁৰ ইমান বিশাল সম্পত্তি ছাত্ৰ-ছাত্ৰীৰ শিক্ষাৰ বাবে দান কৰিছে, যিটো তেওঁ চলোৱা এটা অলাভজনক সংস্থাৰ জৰিয়তে পৰিচালিত হ’ব। এই সংস্থাৰ মূল লক্ষ্য হৈছে অনগ্ৰসৰ লোক আৰু ছাত্ৰ-ছাত্ৰীক আৰ্থিক সাহায্য প্ৰদান কৰা। কিন্তু এই ঘোষণাৰ আটাইতকৈ চাঞ্চল্যকৰ দিশটো হ’ল জেকী চানে এই সম্পত্তিৰ এটা ফুটাকড়িও নিজৰ পুত্ৰ জেছি চানক নিদিয়ে!
যোৱা বছৰ এটা অনুষ্ঠানত জেকী চানে এই মৌখিক ঘোষণা কৰিছিল, যিটো ভাৰতীয় সংবাদ মাধ্যমত বহুলভাৱে প্ৰকাশ পাইছিল। তেওঁ কয় যে তেওঁৰ পুত্ৰই এই সম্পত্তিৰ কোনো অংশ নাপাব, বৰঞ্চ সমগ্ৰ ধন তেওঁৰ অলাভজনক সংস্থাক দান কৰা হ’ব। কিন্তু কিয় এই জনপ্ৰিয় অভিনেতাই নিজৰ সন্তানক বঞ্চিত কৰিলে? ইয়াৰ আঁৰত জেকী চানে এক শক্তিশালী যুক্তি আগবঢ়াইছে।
জেকী চানে কয়, মোৰ ল’ৰাৰ যদি প্ৰতিভা থাকে তেন্তে তেওঁ নিজেই টকা উপাৰ্জন কৰিব পাৰে। আৰু যদি নকৰে, তেন্তে মোৰ সম্পত্তি পালে কেৱল অপচয়হে কৰিব। তেওঁৰ ঘোষণাৰ পিছৰে পৰা অনুৰাগীৰ মাজত মিশ্ৰিত প্ৰতিক্ৰিয়াৰ সৃষ্টি হৈছে। বহুতে তেওঁৰ এই সিদ্ধান্তক শলাগ লৈছে, আনহাতে বহুতে ইয়াৰ কাৰণক লৈ প্ৰশ্ন উত্থাপন কৰিছে।
জেকী চানৰ পুত্ৰ জেছি চানৰ বয়স এতিয়া ৪৩ বছৰ। পিতৃৰ দৰেই তেওঁৱো চলচ্চিত্ৰ জগতৰ সৈতে জড়িত। গায়ক, অভিনেতা, পৰিচালক। যদিও তেওঁক বিভিন্ন চৰিত্ৰত দেখা গৈছে, তথাপিও তেওঁ পিতৃৰ দৰে আকাশলংঘী জনপ্ৰিয়তা লাভ কৰিব পৰা নাই। জেকী চানে যদিও মৌখিকভাৱে এই ঘোষণা কৰিছে, তথাপিও তেওঁ এই কাম আনুষ্ঠানিকভাৱে সম্পূৰ্ণ কৰিছে নে নাই সেয়া এতিয়াও নিশ্চিতভাৱে জনা হোৱা নাই।
জেকী চানৰ এই সিদ্ধান্তই নিঃসন্দেহে সমগ্ৰ বিশ্বতে আলোচনাৰ সূচনা কৰিছে। সম্পত্তি আৰু পৰিয়ালৰ উত্তৰাধিকাৰৰ ক্ষেত্ৰত তেওঁৰ দৃষ্টিভংগীয়ে বহু নতুন প্ৰশ্নৰ উত্থাপন কৰিছে। যদি তেওঁৰ এই পদক্ষেপ সঁচাকৈয়ে ফলপ্ৰসূ হয় তেন্তে ই বিশ্বৰ বাবে এক আদৰ্শ দাঙি ধৰিব।
