হজৰত মহম্মদকলৈ কৰা মন্তব্যই দেশত উত্তেজনাৰ সৃষ্টি কৰি থকাৰ সময়তে নুপুৰ শৰ্মাৰ শিৰচ্ছেদৰ ভিডিঅ’ ছচিয়েল মিডিয়া প্লেটফৰ্মত ভাইৰেল কৰি গ্ৰেপ্তাৰ হ’ল এজন কাশ্মীৰী ইউটিউবাৰ। ফৈজল ৱানী নামৰ ইউটিউবাৰ জনে নিলম্বিত বিজেপি মুখপাত্ৰ নুপুৰ শৰ্মাৰ শিৰচ্ছেদৰ ভিডিঅ’ প্ৰস্তুত কৰি ছচিয়েল মিডিয়া প্লেটফৰ্মত ভাইৰেল কৰিছিল ।এই ভিডিঅ’ ভাইৰেল হৈ পৰাৰ পিছতে বিষয়টোকলৈ উত্তেজনাৰ সৃষ্টি হয়।ফলত ৰাজহুৱা প্শান্তি ভংগ কৰা আৰু ৰাইজৰ মাজত ভয়ৰ পৰিবেশ সৃষ্টিৰ অভিযোগত আৰক্ষীয়ে ৱানীক গ্ৰেপ্তাৰ কৰে।
।প্ৰতিক্ৰিয়াৰ পিছতে ফৈজল ৱানিয়ে ভিডিঅ’টো ডিলিট কৰি দিছিলআৰু ইয়াৰ বাবে ক্ষমাও বিচাৰিছিল। গ্ৰেপ্তাৰ হোৱাৰ আগতে ৱানিয়ে আন এটা ভিডিঅ’ পোষ্ট কৰিছিল য’ত তেওঁ কৈছিল যে মানুহ বা কোনো ধৰ্মৰ অনুভূতিক আঘাত কৰাৰ তেওঁৰ কোনো অভিপ্ৰায় নাই।”ৱানীৰ বুৰুদ্ধে দাখিল কৰা এজাহাৰখনৰ ভিত্তিত চাফা কাদাল আৰক্ষী থানাৰ আৰক্ষীয়ে ভাৰতীয় দণ্ডবিধিৰ ৫০৫ আৰু ৫০৬ ধাৰাৰ অধীনত গোচৰ পঞ্জীয়ন কৰিছে।
ভিডিঅ’টো সন্দৰ্ভত ৱানীয়ে কৈছিল “মই যোৱা নিশা নুপুৰ শৰ্মাৰ বিষয়ে এটা ভিডিঅ’ আপলোড কৰিছিলো। এইটো এটা ভিএফএক্স ভিডিঅ’ আছিল যিটো সমগ্ৰ ভাৰততে ভাইৰেল হৈছিল আৰু মোৰ দৰে এজন নিৰীহ ব্যক্তি জড়িত হৈ পৰিছিল। মোৰ কেতিয়াও আন কোনো ধৰ্মক আঘাত কৰাৰ কোনো অভিপ্ৰায় নাই, কিয়নো ইছলামে আমাক আন ধৰ্মক সন্মান কৰিবলৈ শিকায়”।
“যদি ইয়াৰ বাবে কাৰোবাৰ অন্তৰত আঘাত দিছো, মই অত্যন্ত দুঃখিত। কাকো আঘাত কৰাৰ মোৰ কোনো ইচ্ছা নাছিল,” তেওঁ লগতে কয়। উল্লেখ্য ডিলিট কৰা ভিডিঅ’টোত দেখা গৈছিল যে খালি দেহৰ ইউটিউবাৰে তৰোৱাল চলাইছিল আৰু শৰ্মাৰ এখন ফটোৰ শিৰচ্ছেদ কৰিছিল।
শৰ্মাক ভাৰতীয় জনতা পাৰ্টীয়ে নিলম্বন কৰিছিল আনহাতে আন এজন নেতা নবীন জিন্দলক পয়গম্বৰ মহম্মদৰ ওপৰত তেওঁলোকৰ বিতৰ্কিত মন্তব্যৰ বাবে বহিষ্কাৰ কৰা হৈছিল। হজৰত মহম্মদৰ বিৰুদ্ধে তেওঁলোকে কৰা মন্তব্যৰ ফলত ভাৰতকে ধৰি কেইবাখনো ইছলামিক দেশত তীব্ৰ প্ৰতিক্ৰিয়াৰ সৃষ্টি হৈছিল ।নুপুৰ শৰ্মাৰ বিৰুদ্ধে একাধিক এজাহাৰো পঞ্জীয়ন কৰা হৈছে।
