বঙাইগাঁও সদৰ থানাৰ অন্তৰ্গত চাপৰাকাটা নয়াপাৰাত যোৱা মঙলবাৰে সংঘটিত হোৱা এক জঘন্য কাণ্ডত জড়িত বৃদ্ধ এজনক আজি আৰক্ষীয়ে গ্ৰেপ্তাৰ কৰিবলৈ সক্ষম হৈছে ৷
প্ৰাপ্ত বাতৰি মতে অঞ্চলটোৰ দুগৰাকী কিশোৰীয়ে যোৱা মঙলবাৰে এজোপা লিচু গছৰ তলত লিচু সংগ্ৰহ কৰি থকা অৱস্থাত উক্ত অঞ্চলৰে নিৰঞ্জন মণ্ডল ( ৬০ ) নামৰ বৃদ্ধ ব্যক্তিজনে কিশোৰী দুগৰাকীক অশ্লীল ইংগিত দি যৌন নিৰ্যাতনৰ চেষ্টা চলায় ৷
পাছত কিশোৰী দুগৰাকীয়ে নিজৰ ঘৰত আহি সবিশেষ জনায় ৷
ইয়াৰ পাছতে কিশোৰী দুগৰাকীৰ অভিভাৱকে উত্তৰ বঙাইগাঁও আৰক্ষী পহৰা চকীত এক এজাহাৰ দাখিল কৰে ৷
এজাহাৰ দাখিলৰ পিছৰে পৰা বৃদ্ধজন পলাতক অবস্থাত আছিল যদিও আজি আৰক্ষীয়ে লম্পট বৃদ্ধ ব্যক্তিজনক গ্ৰেপ্তাৰ কৰিবলৈ সক্ষম হয় ৷