অসমত আৰু এগৰাকী ক’ভিড১৯ পজিটিভ চিনাক্ত, আক্ৰান্ত ৪৪লৈ বৃদ্ধি
অসমত আজিৰ দিনটোৰ দ্বিতীয়গৰাকী ক’ভিড-১৯ পজিটিভ ৰোগী ধৰা পৰিছে।
ৰোগীগৰাকী কোকৰাঝাৰৰ। জিলাখনত এইটো প্ৰথমটো পজিটিভ ঘটনা।
পশ্চিমবঙ্গৰ কোচবিহাৰ ভ্ৰমণৰ বুৰঞ্জী আছে আক্ৰান্ত লোকজনৰ।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰযোগে এই কথা সদৰী কৰিছে।
Alert ~ One person from Kokrajhar dist, with a travel history of Cooch Behar in West Bengal, has tested positive for #COVID19.
↗️Total #COVID19 patients in Assam now stands at 44.
↗️Active cases 11
↗️Discharged 32
↗️Death 1Update at 9.05 pm / May 5#AssamCovidCount
— Himanta Biswa Sarma (@himantabiswa) May 5, 2020
আজিৰ দিনটোতে গোৱালপাৰাৰ এজন লোক কোভিড১৯ত আক্ৰান্ত বুলি চিনাক্ত হৈছিল।
গোৱালপাৰাৰ লোকজন কণ্টেইনমেন্ট জ’নত পোৱা গৈছে কাৰণে সেয়ে শংকিত হোৱাৰ প্ৰয়োজন নাই বুলি জনাইছিল স্বাস্থ্য মন্ত্ৰী শৰ্মাই।
বৰ্তমানলৈকে ৰাজ্যত মুঠ ৪৪ জন আক্ৰান্ত হৈছে। ১১ জন চিকিৎসাধীন, এজনৰ মৃত্যু আৰু ৩২ জনক হাস্পাতালৰ পৰা মুকলি কৰি দিয়া হৈছে।