সুৰাৰ বিপনী সমূহৰ সন্মুখত জনসমাগম হ্ৰাস কৰাৰ বাবে ঝাৰখণ্ড চৰকাৰে Swiggy আৰু Zomato ক গ্ৰাহক সকলৰ ঘৰলৈ সুৰাৰ হোম ডেলিভাৰী দিয়াৰ বাবে আহ্বান জনাইছে।
ঝাৰখণ্ডৰ ৯ খন চহৰত Swiggy আৰু Zomato ক এনেদৰে ঘৰে ঘৰে গৈ গ্ৰাহক সকলক সুৰাৰ যোগান ধৰাৰ বাবে আহ্বান জনাইছে চৰকাৰে।
আনহাতে, ঝাৰখণ্ড চৰকাৰে সুৰাৰ বিপনীৰ উপৰিও সাধাৰণ দোকানতো সুৰা উপলব্ধ কৰাৰ বাবে নিৰ্দেশ দিছে।
সুৰাৰ গ্ৰাহক সকলে ই-টিকত সংগ্ৰহ কৰি সেই কুপনৰ সহায়ত সুৰা ক্ৰয় কৰিব পাৰিব।
উল্লেখযোগ্য যে, তৃতীয় পৰ্যায়ৰ ল’কডাউনৰ সময়ৰ পৰে দেশত সুৰা বিক্ৰীৰ অনুমতি প্ৰদান কৰিছিল গৃহ মন্ত্ৰ্যালয়ে।
গৃহ মন্ত্ৰ্যালয়ে গ্ৰাহক সকলক সুৰা ক্ৰয়ৰ সময়ত সামাজিক দূৰত্ব মানি চলিবলৈ নিৰ্দেশ দিছিল যদিও সুৰাৰ বিপনী সমূহৰ সন্মুখত অধিক গ্ৰাহকৰ ভিৰৰ বাবে সেই নিৰ্দেশ বহু ক্ষেত্ৰত পালন কৰিব পৰা হোৱা নায়।
