অৱশেষত কিছু সকাহ পালে পাকিস্তানৰ সাধাৰণ নাগৰিকে। তীব্ৰ আৰ্থিক সংকট আৰু ৰাজনৈতিক অস্থিৰতাৰ মাজতে পাকিস্তানৰ চৰকাৰে হ্ৰাস কৰিছে পেট্ৰল-ডিজেলৰ মূল্য। ফলত সংকটত পৰা পাকিস্তানৰ নাগৰিকে কিছু হ’লেও সকাহ লাভ কৰিছে।
সামাজিক মাধ্যমত পোৱা তথ্য অনুসৰি পাকিস্তানত পেট্ৰ’লৰ মূল্য প্ৰতি লিটাৰত ১২ টকা আৰু ডিজেলৰ মূল্য ৩০ টকা হ্ৰাস কৰা হৈছে।
পাকিস্তানৰ বিত্তমন্ত্ৰী ইছাক দাৰে যোৱা সোমবাৰে ঘোষণা কৰে যে সংশোধিত মূল্য ১২ বজাৰ পিছত বলৱৎ হ’ব আৰু ৩১ মে’লৈকে বলৱৎ হ’ব।
লগতে পঢ়কঃ খাদ্যত বিষক্ৰিয়া! নগাঁৱত মধ্যাহ্ন ভোজন গ্ৰহণ কৰাৰ পাছতে অসুস্থ অৰ্ধশতাধিক শিক্ষাৰ্থী
ইয়াৰ লগতে চৰকাৰে লঘু ডিজেল আৰু কেৰাচিন তেলৰ মূল্যও প্ৰতি লিটাৰত ১২ টকা হ্ৰাস কৰিছে।
বিত্তমন্ত্ৰী ইছাক দাৰে কয় যে অৰ্থনৈতিক প্ৰত্যাহ্বানৰ মাজতো তেওঁলোকে ৰাইজক যিমান পাৰি সকাহ দিয়াৰ ব্যৱস্থা গ্ৰহণ কৰিছে। এনে পৰিস্থিতিত তেওঁ পৰিবহণ মাধ্যমক ৰাইজৰ সুবিধাৰ বাবে ভাড়া হ্ৰাস কৰিবলৈ কয়।
মন কৰিব যে হাই স্পীড ডিজেলৰ মূল্য ৩০ টকা, পেট্ৰ’লৰ ১২ টকা, কেৰাচিন ১২ টকা আৰু লঘু ডিজেলৰ মূল্য ১২ টকা হ্ৰাস কৰা হৈছে। ফলত পেট্ৰ’লৰ মূল্য এতিয়া প্ৰতি লিটাৰত ২৭০ টকা, হাই স্পীড ডিজেল প্ৰতি লিটাৰত ২৫৮ টকা, প্ৰতিলিটাৰ কেৰাচিন অইলৰ মূল্য ১৬৪.০৭ টকা আৰু লঘু ডিজেলৰ মূল্য ১৫২.৬৮ টকালৈ হ্ৰাস পাইছে।
উল্লেখ্য যে ইতিমধ্যে ঋণৰ বোজাত পৰি থকা পাকিস্তানৰ অৱস্থা অতি দুখজনক। আনকি, সেই দেশৰ অৰ্থনীতিও গভীৰভাৱে প্ৰভাৱিত হৈছে। যোৱা বছৰৰ পৰা পাকিস্তানে আই এম এফৰ সৈতে বেইলআউট পেকেজৰ বাবে আলোচনাত মিলিত হৈছে। অৱশ্যে এইয়া এতিয়াও কাৰ্যকৰী হোৱা নাই।
লগতে পঢ়কঃ হত্যাৰ বলি হৈছিল নেকি জোনমণি! প্ৰত্যক্ষদৰ্শীৰ ভাষ্যই দিছে নতুন ইংগিত
শেহতীয়াকৈ আই এম এফে পাকিস্তানৰ পৰা ৮ বিলিয়ন ডলাৰ দাবী কৰিছিল। ইয়াৰ উপৰিও আই এম এফে লগতে কয় যে বাকী থকা ঋণ পৰিশোধ কৰাৰ পিছতহে বেইলআউট পেকেজ জাৰি কৰা হ’ব।
ইফালে পাকিস্তান পৰিসংখ্যা ব্যুৰোৰ পৰিসংখ্যা অনুসৰি মুদ্ৰাস্ফীতিৰ হাৰ সৰ্বোচ্চ স্তৰত উপনীত হৈছে। কেৱল সেয়াই নহয়, ১৯৬৫ চনৰ পিছত মুদ্ৰাস্ফীতিৰ হাৰ সৰ্বোচ্চ স্তৰত আছে। যোৱা এপ্ৰিল মাহত বাৰ্ষিক ভিত্তিত মুদ্ৰাস্ফীতিৰ হাৰ ৩৬.৪ শতাংশ আছিল। আনহাতে বিগত মাহত ৩৫.৪ শতাংশ আছিল।
Petroleum Products Prices
from 16 May to 31 May’23:Reductions per litre:
High Speed Diesel—Rs 30
Petrol—Rs 12
Kerosene Oil—Rs 12
Light Diesel Oil—Rs 12New Prices per litre:
Petrol—Rs 270
HighSpeed Diesel—Rs 258
KeroseneOil—Rs 164.07
Light Diesel Oil—Rs 152.68AlhamdoLilah!
— Ishaq Dar (@MIshaqDar50) May 15, 2023
ইয়াৰ মাজতে এতিয়া অত্যাৱশকীয় পেট্ৰল আৰু ডিজেলৰ মূল্য হ্ৰাস পোৱাৰ কথাই দেশখনৰ নাগৰিকক ভালেমান সকাহ প্ৰদান কৰিছে।
লগতে পঢ়কঃ হিন্দু যুৱকৰ বাইকত মুছলমান যুৱতী! বাইক ৰখাই হিন্দু যুৱকক প্ৰহাৰ মুছলমান যুৱকৰ
