পুলৱামাৰ আক্ৰমণৰ ঘটনাত জড়িত সন্ত্ৰাসবাদীক স্বাধীনতা যুঁজাৰু আখ্যা পাকিস্তানৰ সংবাদপত্ৰৰ

১৪ ফেব্ৰুৱাৰিত জম্মু কাশ্মীৰৰ পুলৱামাত পাকিস্তান সমৰ্থিত সন্ত্ৰাসবাদী সংগঠন জইছ ই মহম্মদে ঘটোৱা ভয়ংকৰ আত্মঘাতী বোমা বিস্ফোৰণত প্ৰায় ৪০ জন চি আৰ পি এফৰ জোৱান চহিদ হৈছিল।এই বিস্ফোৰণতে চহিদ হৈছিল অসমৰ মনেশ্বৰ বসুমতাৰী।

এই ঘটনাক সমগ্ৰ দেশৰ লগতে অসমেও তীব্ৰ ভাষাৰে গৰিহণা দি পাকিস্তানৰ পতাকা জ্বলাই প্ৰতিবাদ সাব্যস্ত কৰে। তাৰোপৰি আমেৰিকা, ৰাছিয়াকে ধৰি বিশ্বৰ বিভিন্ন দেশ, ৰাষ্ট্ৰসংঘই এই ঘটনাৰ গৰিহণা দিয়ে। লগতে পাকিস্তানৰ বিৰুদ্ধে বিক্ষোভ প্ৰদৰ্শন কৰে।

পুলৱামাৰ সন্ত্ৰাসবাদীৰ আক্ৰমণৰ ঘটনাক পাকিস্তানে গৰিহণা দিলেও দেশকনৰ সংবাদপত্ৰ সমূহে সন্ত্ৰাসবাদীৰ এই আক্ৰমণৰ কাৰ্যৰ সমৰ্থন দিয়ে।

পাকিস্তানী বাতৰি কাকত ‘দ্যা নেশ্যন’ৰ এই সন্ত্ৰাসবাদীৰ আক্ৰমণৰ বাতৰিটোৰ হেডলাইন আছিল ‘স্বাধীনতাৰ যুঁজাৰুৰ আক্ৰমণ, ভাৰত অধিকৃত কাশ্মীৰত ৪৪ জন সৈনিকৰ মৃত্যু।‘ তাৰোপৰি পাকিস্তানৰ আন আন একাংশ বাতিৰকাকতেও একেদৰেই বাতৰি পৰিৱেশন কৰে।