পংকজ কুমাৰ গোস্বামীয়ে ১ জুন, ২০২০ তাৰিখে অইল ইণ্ডিয়া লিমিটেডৰ সঞ্চালক (অপাৰেচন) হিচাপে দায়িত্ব গ্ৰহণ কৰিব৷
সঞ্চালক (অপাৰেচন) হিচাপে দায়িত্ব গ্ৰহণ কৰাৰ পূৰ্বে গোস্বামীয়ে অইলৰ ক্ষেত্ৰ মুখ্য কাৰ্যালয়, দুলীয়াজানৰ প্ৰকল্প বিভাগৰ মুখ্য মহা প্ৰবন্ধক হিচাপে কাৰ্যৰত আছিল।
তাত তেখেতে কোম্পানীৰ তেল আৰু গেছ উৎপাদনৰ সৈতে সম্বন্ধিত বহু সংখ্যক জটিল আৰু উচ্চ-মূল্যৰ প্ৰজেক্ট ৰূপায়ণ কৰিছিল৷
গোস্বামীয়ে উজনি অসমৰ গেছ ক্ষেত্ৰৰ বিকাশৰ ক্ষেত্ৰত নেতৃত্ব বহন কৰি আছে৷
গোস্বামী উত্তৰ-পূৱ ভাৰতৰ নাহৰকটীয়াস্থিত ভাৰতৰ আটাইতকৈ পুৰণি তথা পৰিপক্ব তেলক্ষেত্ৰৰ তেল আৰু উৎপাদন কাৰ্যত থকা উৎকৃষ্ট আৰু চহকী অভিজ্ঞতাৰে পুষ্ট।
লগতে তেওঁ ভূ-তত্ত্ব, খনন লগতে অসম আৰু অৰুণাচল প্ৰদেশৰ জটিল অন্বেষণ ক্ষেত্ৰৰ সামাজিক গাঁথনিৰ বিষয়ে গভীৰ অধ্যয়নেৰে পুষ্ট।
উত্তৰ-পূব ভাৰতৰ অসম-আৰাকান বেচিনত তেল আৰু গেছ উৎপাদন কাৰ্যত গোস্বামীৰ ৩১ বছৰতকৈ অধিক অভিজ্ঞতা আছে।
তেখেতে তেল আৰু গেছ উৎপাদন, আন্তঃগাঁথনি সুবিধাৰ কাৰ্যান্বয়ন, সঞ্চালন সম্পৰ্কীয় বিষয় আৰু প্ৰযুক্তি বিষয়ক উদ্যোগৰ লগত সম্বন্ধীয় জটিল প্ৰকল্প আৰু কাৰ্যবিধি তদাৰক কৰাৰ লগতে বিভিন্ন উচ্চস্তৰীয় সমিতি আৰু কৰ্ম-বাহিনীৰ নেতৃত্ব বহন কৰি আহিছে৷
গোস্বামীয়ে ৰাষ্ট্ৰীয় তথা আন্তঃৰাষ্ট্ৰীয় স্তৰৰ তেল আৰু গেছ উদ্যোগৰ লগত সম্বন্ধিত বহু বৈজ্ঞানিক গৱেষণা পত্ৰও প্ৰস্তুত কৰিছে৷
গোস্বামীয়ে ১৯৮৮ চনত অইল ইণ্ডিয়া লিমিটেডত যোগদান কৰিছিল৷
স্বৰ্গীয় কৰুণাময়ী গোস্বামী আৰু স্বৰ্গীয় শিৱ প্ৰসাদ গোস্বামীৰ পুত্ৰ গোস্বামী তৈল নগৰী ডিগবৈৰ বাসিন্দা৷
স্কুলীয়া শিক্ষা ডিগবৈত সম্পূৰ্ণ কৰি তেখেতে অসম অভিযান্ত্ৰিক মহাবিদ্যালয়, গুৱাহাটীত মেকানিকেল ইঞ্জিনিয়াৰিঙত স্নাতক ডিগ্ৰী অৰ্জন কৰে।
২০০১ চনত তেওঁ পৰিচালনা প্ৰবন্ধন (Maintenance Management) বিষয়ত অগ্ৰীম স্নাতকোত্তৰ ডিপ্লমা সম্পূৰ্ণ কৰে৷
