যাত্ৰীসকলৰ অতিৰিক্ত ভিৰ নিয়ন্ত্ৰণ কৰাৰ অৰ্থে উত্তৰ পূব সীমান্ত ৰে’লৱেই জুলাই, ২০২৪ ৰ প্ৰথম সপ্তাহৰ পৰা তিনিযোৰ বিশেষ ৰে’লৰ সেৱা বাহাল ৰখাৰ সিদ্ধান্ত গ্ৰহণ কৰিছে। উত্তৰ পূব সীমান্ত ৰে’লৱেই এক বিজ্ঞপ্তিত এই কথা সদৰী কৰিছে।
এই সম্প্ৰসাৰিত সেৱাসমূহৰ ভিতৰত, ৰে’ল নং. ০৫৬৩৬/০৫৬৩৫ (গুৱাহাটী– শ্ৰী গংগানগৰ-গুৱাহাটী) বিশেষ ৰে’লখন উভয় দিশৰ পৰা ১৩ টাকৈ ট্ৰিপৰ বাবে চলাচল কৰিব আৰু ৰে’ল নং. ০৫৯৩২/০৫৯৩১ ( ডিব্ৰুগড়-কলকাতা-ডিব্ৰুগড়), ৰে’ল নং ০৫৬৩৯/০৫৬৪০ (শিলচৰ–কলকাতা-শিলচৰ) একেলগে উভয় দিশৰ পৰা ২৬ টাকৈ ট্ৰিপৰ বাবে চলাচল কৰিব।
এই ৰে’লসমূহৰ বিদ্যমান সেৱাৰ দিন, সময়সূচী আৰু ষ্টপেজৰ সৈতে চলাচল কৰিব। তদুপৰি, উত্তৰ পূব সীমান্ত ৰে’লৱেই দুযোৰ এক্সপ্ৰেছ ৰে’লৰ ফ্ৰিকোৱেঞ্চি অৰ্থাৎ ৰে’ল নং. ২২৫০৪/২২৫০৩ (ডিব্ৰুগড়– কন্যাকুমাৰী- ডিব্ৰুগড়) বিবেক এক্সপ্ৰেছ ৰে’লখন বৰ্তমানৰ পাঁচ দিনৰ পৰা দৈনিক ভিত্তিত আৰু ৰে’ল নং ১৫৬১২/১৫৬১১ (শিলচৰ- ৰঙিয়া – শিলচৰ) সপ্তাহত বৰ্তমান তিনি দিনৰ পৰা ছয় দিনলৈ বৃদ্ধি কৰাৰ সিদ্ধান্ত গ্ৰহণ কৰিছে।
সেই অনুসৰি, ৰে’ল নং ০৫৬৩৬ (গুৱাহাটী- শ্ৰী গংগানগৰ) বিশেষ ৰে’লখন ০৩ জুলাইৰ পৰা ২৫ছেপ্টেম্বৰ, ২০২৪ লৈ প্ৰতি বুধবাৰে চলাবলৈ সম্প্ৰসাৰিত কৰা হৈছে। উভতনি যাত্ৰাৰ দিশত ৰে’ল নং ০৫৬৩৫ (শ্ৰী গংগানগৰ-গুৱাহাটী) বিশেষ ০৭ জুলাইৰ পৰা ২৯ ছেপ্টেম্বৰ, ২০২৪লৈ প্ৰতি দেওবাৰে চলাবলৈ সম্প্ৰসাৰিত কৰা হৈছে।
ৰে’ল নং ০৫৯৩২ (ডিব্ৰুগড়- কলকাতা) বিশেষ ৰে’লখন ০৬ জুলাইৰ পৰা ২৮ ডিচেম্বৰ, ২০২৪ লৈ প্ৰতি শনিবাৰে চলাবলৈ সম্প্ৰসাৰিত কৰা হৈছে। উভতনি যাত্ৰাৰ দিশত, ৰে’ল নং ০৫৯৩১ (কলকাতা- ডিব্ৰুগড়) বিশেষ ৰে’লখন ০৭ জুলাইৰ পৰা ২৯ ডিচেম্বৰ, ২০২৪লৈ প্ৰতি দেওবাৰে চলাচল কৰাবলৈ সম্প্ৰসাৰিত কৰা হৈছে।
ৰে’ল নং ০৫৬৩৯ (শিলচৰ– কলকাতা) বিশেষ ৰে’লখন ০৪ জুলাইৰ পৰা ২৬ ডিচেম্বৰ, ২০২৪ লৈ প্ৰতি বৃহস্পতিবাৰে চলাবলৈ সম্প্ৰসাৰিত কৰা হৈছে। উভতনি যাত্ৰাৰ দিশত, ৰে’ল নং ০৫৬৪০ (কলকাতা- শিলচৰ) বিশেষ ৰে’লখন ০৫ জুলাইৰ পৰা ২৭ ডিচেম্বৰ, ২০২৪ লৈ প্ৰতি শুক্ৰবাৰে চলাবলৈ সম্প্ৰসাৰিত কৰা হৈছে।
তদুপৰি,ৰে’ল নং ২২৫০৪/২২৫০৩ (ডিব্ৰুগড়– কন্যাকুমাৰী-ডিব্ৰুগড়) বিবেক এক্সপ্ৰেছৰ ফ্ৰিকোৱেঞ্চি যি পূৰ্বে সপ্তাহত মাত্ৰ পাঁচদিন চলিছিল, এতিয়া সংশ্লিষ্ট দিশৰ পৰা ক্ৰমে ০৮আৰু ১২জুলাই, ২০২৪ তাৰিখৰ পৰা কাৰ্যকৰী হোৱাকৈ দৈনিক ভিত্তিত চলাচল কৰিব।
ৰে’ল নং ১৫৬১২/১৫৬১১ (শিলচৰ- ৰঙিয়া – শিলচৰ) এক্সপ্ৰেছৰ ফ্ৰিকোৱেঞ্চি যি পূৰ্বে সপ্তাহত মাত্ৰ তিনিদিন চলাচল কৰিছিল, এতিয়া সপ্তাহত ছয় দিন উভয় দিশত ক্ৰমে ০৮ আৰু ০৯ জুলাই, ২০২৪ তাৰিখৰ পৰা কাৰ্যকৰী হোৱাকৈ চলাচল কৰিব। এই সংশ্লিষ্ট পথৰ যাত্ৰীসকলৰ সুবিধাৰ বাবে ৰে’লসমূহ সংশোধিত গঠনেৰে ২২ টা ডবাসহ চলাচল কৰিব।
এই ৰে’লসমূহৰ ষ্টপেজ আৰু সময়ৰ বিস্তৃত বিৱৰণ আইআৰচিটিচি ৱেবছাইট, এনটিইএছত উপলব্ধ থকাৰ লগতে উত্তৰ পূব সীমান্ত ৰে’লৱেৰ ছ’চিয়েল মিডিয়া হেণ্ডেলতো অধিসূচিত কৰা হৈ আছে। যাত্ৰীসকলক তেওঁলোকৰ যাত্ৰা আৰম্ভ কৰাৰ পূৰ্বে উক্ত বিস্তৃত তথ্য অবলোকন কৰাৰ বাবে অনুৰোধ কৰা হৈছে।
