দুদিনৰ পাছত ধ্যান ভংগ কৰি বিবেকানন্দ ৰক মেম’ৰিয়েলৰ পৰা ওলাই আহিল প্ৰধানমন্ত্ৰী মোদী

প্ৰধানমন্ত্ৰী মোদীয়ে প্ৰায় ৪৫ ঘণ্টা ধৰি দুদিন ধৰি ধ্যান কৰাৰ পাছত শনিবাৰে দুপৰীয়া ধ্যান ভংগ কৰে। ইয়াৰ পিছত তেওঁ বিবেকানন্দ ৰক মেম’ৰিয়েলৰ পৰা নীলা কুৰ্তা, বগা ধূতি পিন্ধি ওলাই আহিল।

#WATCH | PM Modi ends two-day-long meditation at Vivekananda Rock Memorial in Kanyakumari, Tamil Nadu pic.twitter.com/TY7snigzZI

— ANI (@ANI) June 1, 2024

শনিবাৰে দেশত শেষ পৰ্যায়ৰ লোকসভা নিৰ্বাচন। ইফালে, ৩:১৫ বজাত এএনআইৰ এটা ভিডিঅ’ মুকলি কৰা হয়। মোদীক ধূতি-কুৰ্তা পিন্ধি মন্দিৰৰ পৰা ওলাই অহা দেখা গৈছে।ইয়াৰ পূৰ্বে শনিবাৰে পুৱা কন্যাকুমাৰীত প্ৰধানমন্ত্ৰীৰ আন এটা ভিডিঅ’ মুকলি কৰা হয়। এই ভিডিঅ’টো মুকলি কৰে বিজেপিয়ে।

ভিডিঅ’টোত দেখা গৈছে যে সূৰ্য উদয়ৰ সময়ত মোদীয়ে সূৰ্যপ্ৰণাম আগবঢ়াইছে। কেতিয়াবা বেদীৰ সন্মুখত বহি প্ৰাণায়াম কৰে।

উল্লেখ্য যে, বৃহস্পতিবাৰে সন্ধিয়া বিবেকানন্দ ৰক মেম’ৰিয়েলত ধ্যান কৰে মোদীয়ে। শনিবাৰে দুপৰীয়ালৈকে এই ধ্যান চলি থাকে। এই দুদিন মৌন হৈ ধ্যানমগ্ন আছিল মোদী। কেৱল তৰল খাদ্যহে সেৱন কৰিছিল। ২০১৯ চনত লোকসভা নিৰ্বাচনৰ পাছতো প্ৰধানমন্ত্ৰী কেদাৰনাথলৈ গৈছিল। ২০১৪ চনৰ নিৰ্বাচনৰ পাছত মহাৰাষ্ট্ৰৰ প্ৰতাপগড়লৈ যায়।