প্ৰধানমন্ত্ৰী নৰেন্দ্ৰ মোডীৰ দিনত বিগত কেইবছৰমানৰ পৰা ফ্ৰান্সৰ সৈতে ভাৰতৰ অংশীদাৰিত্ব বৃদ্ধি পাইছে। প্ৰতিৰক্ষাৰ পৰা বাণিজ্যলৈ – দুয়োখন দেশৰ বিভিন্ন ক্ষেত্ৰত ঘনিষ্ঠ সম্পৰ্ক গঢ়ি তুলিছে। অৱশ্যে প্ৰধানমন্ত্ৰী মোডীৰ সৈতে ফ্ৰান্সৰ সম্পৰ্ক প্ৰায় চাৰি দশক পুৰণি।
বৃহস্পতিবাৰে (১৩ জুলাই) দুদিনীয়া ভ্ৰমণৰ বাবে প্ৰধানমন্ত্ৰী ফ্ৰান্সৰ পেৰিছলৈ গৈছে। ভ্ৰমণৰ প্ৰথম দিনাই তেওঁ তাত প্ৰবাসী ভাৰতীয়সকলক লগ পায়। প্ৰবাসীসকলক সম্বোধন কৰি প্ৰধানমন্ত্ৰী মোদীয়ে ফ্ৰান্সৰ সৈতে থকা পুৰণি সম্পৰ্কৰ কথা সদৰী কৰে।
তেওঁ কয়, প্ৰায় ৪০ বছৰ পূৰ্বে তেওঁ ভাৰতৰ ভিতৰতে আহমেদাবাদৰ ‘এলায়েন্স ফন্সে’ৰ সদস্য হোৱা প্ৰথমজন ব্যক্তি হিচাপে পৰিগণিত হৈছিল। ফ্ৰান্সৰ সাংস্কৃতিক কেন্দ্ৰ ‘এলিয়েন্স ফন্সে’ সমগ্ৰ বিশ্বতে ফৰাচী ভাষা আৰু সংস্কৃতিৰ প্ৰচাৰ কৰে।
লগতে পঢ়ক: সৰিয়হৰ ডুলিতে ভুত! গুৱাহাটীত ‘ধন দাবী’ৰ অভিযোগত তদন্তৰ সন্মুখীন দুই আৰক্ষী বিষয়া
পেৰিছৰ ‘লা চেইন মিউজিকেল’ থিয়েটাৰত ফ্ৰান্সত বসবাস কৰা ভাৰতীয়সকলক সম্বোধন কৰি প্ৰধানমন্ত্ৰী মোদীয়ে কয়, ‘ব্যক্তিগতভাৱে ফ্ৰান্সৰ প্ৰতি মোৰ প্ৰেম দীৰ্ঘদিনীয়া। প্ৰায় ৪০ বছৰ পূৰ্বে গুজৰাটৰ আহমেদাবাদত ফ্ৰান্সৰ সাংস্কৃতিক কেন্দ্ৰ ‘এলিয়েন্স ফন্সে’ৰ যাত্ৰা আৰম্ভ হৈছিল। আজি সেই সাংস্কৃতিক কেন্দ্ৰৰ প্ৰথম ভাৰতীয় সদস্যই আপোনাৰ সন্মুখত কথা কৈছে। কেইবছৰমান আগতে ফ্ৰান্স চৰকাৰে মোক সেই পৰিচয় পত্ৰৰ ফটোকপি দিছিল। আজিও মোৰ বাবে ই মূল্যৱান।”
প্ৰধানমন্ত্ৰীয়ে এলিয়েন্স ফন্সেৰ সদস্যপদৰ কাহিনী শ্বেয়াৰ কৰাৰ পিছতেই ভাৰত চৰকাৰে পৰিচয় পত্ৰৰ এখন ফটো প্ৰকাশ কৰে। ইয়াত দেখা গৈছে যে পৰিচয় পত্ৰখনৰ তাৰিখ ১৯৮১ চনৰ ৫ ডিচেম্বৰ। নৰেন্দ্ৰ মোদীয়ে ১২৫ টকা দি সদস্যপদ গ্ৰহণ কৰিছিল।
১৪ জুলাই ফ্ৰান্সৰ ৰাষ্ট্ৰীয় দিৱস। ফৰাচী বিপ্লৱৰ সময়ত আজিৰ দিনটোতে বাষ্টিল দুৰ্গ ধ্বংস হৈছিল। প্ৰধানমন্ত্ৰী মোদীয়ে ৰাষ্ট্ৰীয় দিৱসৰ পূৰ্বে ফ্ৰান্সৰ জনসাধাৰণক অভিনন্দন জ্ঞাপন কৰে। তেওঁ এই অনুষ্ঠানৰ মুখ্য অতিথি। তেওঁক নিমন্ত্ৰণ জনোৱাৰ বাবে তেওঁ ফ্ৰান্সক ধন্যবাদ জনায়। তেওঁ কয় যে ফ্ৰান্সৰ ৰাষ্ট্ৰীয় দিৱসৰ পেৰেডত অংশগ্ৰহণ কৰাৰ সুযোগ পোৱাৰ বাবে এই ভ্ৰমণ তেওঁৰ বাবে এক বিশেষ সন্মান।
লগতে পঢ়ক: শ্ৰীহৰিকোটাৰ পৰা সফল উৎক্ষেপন ভাৰতৰ চন্দ্ৰযান-৩ৰ; ৪০ দিনৰ যাত্ৰা
প্ৰধানমন্ত্ৰীয়ে বৃহস্পতিবাৰে কয়, “মই কেইবাবাৰো ফ্ৰান্সলৈ আহিছো। কিন্তু, এইবাৰ মোৰ ভ্ৰমণৰ বিশেষ তাৎপৰ্য আছে। কাইলৈ ফ্ৰান্সৰ ৰাষ্ট্ৰীয় দিৱস। ফ্ৰান্সৰ জনসাধাৰণক অভিনন্দন জনাইছো। মোক নিমন্ত্ৰণ জনোৱাৰ বাবে তেওঁলোকক ধন্যবাদ। কাইলৈ মোৰ বন্ধু ইমানুৱেল মেক্ৰনৰ সৈতে ৰাষ্ট্ৰীয় দিৱসৰ পেৰেডত অংশগ্ৰহণ কৰিম। ই ভাৰত আৰু ফ্ৰান্সৰ অটুট বন্ধুত্বৰ প্ৰতিফলন।”
