প্ৰধানমন্ত্ৰী নৰেন্দ্ৰ মোদীয়ে আজি ইউক্ৰেইনৰ ৰাষ্ট্ৰপতি ভলোডিমিৰ জেলেনস্কিৰ সৈতে বাৰ্তালাপ কৰিব বুলি ভাৰত চৰকাৰৰ এক ঘনিষ্ঠ সূত্ৰই প্ৰকাশ কৰিছে।
ৰাছিয়াৰ ইউক্ৰেইন আক্ৰমণৰ পিছত ২৬ ফেব্ৰুৱাৰীত প্ৰধানমন্ত্ৰী মোডীয়ে প্ৰথমবাৰৰ বাবে জেলেনস্কিৰ সৈতে কথা পাতিছিল।
ৰাষ্ট্ৰসংঘত ভোটদানৰ পৰা ভাৰতে বিৰত থকাৰ পিছত জেলেনস্কিয়ে প্ৰধানমন্ত্ৰী মোডীৰ সৈতে কথা পাতিছিল আৰু ইউএনএছচিত ভাৰতৰ ৰাজনৈতিক সমৰ্থন বিচাৰিছিল।
যুদ্ধবিধ্বস্ত ইউক্ৰেইনত আৱদ্ধ ভাৰতীয় নাগৰিকসকলৰ স্থানান্তৰৰ বাবে সুৰক্ষিত পথ নিশ্চিত কৰিবলৈ ভাৰতে বৰ্তমান ইউক্ৰেইনৰ কাষ চাপিছে।
ভাৰতে ইউক্ৰেইনৰ নাগৰিকসকলৰ সুৰক্ষা আৰু নিৰাপত্তা তথা ইউক্ৰেইনলৈ মানৱীয় সাহায্য প্ৰেৰণৰ বাবে উদ্বেগ প্ৰকাশ কৰিছে। কিন্তু ৰাষ্ট্ৰসংঘত ৰাছিয়াৰ বিৰুদ্ধে প্ৰস্তাৱত সমৰ্থন জনোৱাৰ পৰা বিৰত আছে।
অপাৰেচন গংগাৰ অধীনত এই পৰ্যন্ত যুদ্ধবিধস্ত ইউক্ৰেইনৰ পৰা প্ৰায় ১৬,০০০ ভাৰতীয় নাগৰিকক দেশলৈ ঘূৰাই অনা হৈছে বৈদেশিক মন্ত্ৰালয়ে সদৰি কৰিছে।
আনহাতে শুকুৰবাৰে কেন্দ্ৰীয় মন্ত্ৰী ভিকে সিঙে জনোৱা অনুসৰি প্ৰায় ১৭০০ ছাত্ৰই এতিয়াও যুদ্ধবিধস্ত ইউক্ৰেইনৰ পৰা স্থানান্তৰিত হ’বলৈ অপেক্ষা কৰি আছে।
