বিমানবন্দৰ আৰক্ষীয়ে চাৰিজন কিশোৰক এগৰাকী ৮বছৰীয়া নাবালিকাক যৌন নিৰ্যাতন চলোৱাৰ অভিযোগত পশ্চিম ত্ৰিপুৰা জিলাৰ বামুটিয়াত আটক কৰিছে।
আৰক্ষীৰ জানিবলৈ দিয়া মতে, ঘটনাৰ বলি ছোৱালীজনীৰ পিতৃয়ে শনিবাৰে বিমানবন্দৰ আৰক্ষী থানাত অভিযোগ দাখিল কৰিছিল।
অভিযোগ অনুসৰি, ঘটনাৰ বলি ছোৱালীজনীৰ বয়স মাত্ৰ ৮বছৰ।
ছোৱালীজনীৰ পিতৃয়ে তেওঁ দাখিল কৰা অভিযোগত কৈছে যে সাতজন কিশোৰে তেওঁৰ ছোৱালীজনীক তেওঁলোকৰ সৈতে খেলিবলৈ মাতিছিল।
কিন্তু তেওঁলোকে তাইক সাৱটি ধৰি যৌন নিৰ্যাতন চলাইছিল বুলি পিতৃগৰাকীয়ে অভিযোগ কৰে।
‘’ছোৱালীজনীৰ পিতৃয়ে তেওঁৰ অভিযোগত নাম উল্লেখ কৰা কিশোৰ সাতজনৰ বয়স ১১ৰ পৰা ১৬ বছৰৰ ভিতৰত হ’ব,’’- বিমানবন্দৰ আৰক্ষী থানাৰ এগৰাকী আৰক্ষী বিষয়াই কয়।
বিমানবন্দৰ আৰক্ষীয়ে শনিবাৰে নিশা নাবালিকাগৰাকীৰ যৌন নিৰ্যাতনত জড়িত থকা সাতজনৰ ভিতৰৰ চাৰিজনক আটক কৰে।
কিশোৰকেইজনক এটা পুনৰ্সংস্থাপন কেন্দ্ৰত ৰখা হৈছে।
আৰক্ষীয়ে লগতে আটক কৰা নাবালক কিশোৰকেইজনৰ কোভিড-১৯ পৰীক্ষাৰো ব্যৱস্থা কৰে।
আৰক্ষীয়ে জানিবলৈ দিয়া মতে, ইয়াৰে দুজনৰ কোবিড-১৯ পজিটিভ পোৱা গৈছে।
কোভিড-১৯ পজিটিভ ধৰা পৰা কিশোৰ দুজনৰ বয়স ক্ৰমে ১২ আৰু ১৩ বছৰ বুলি জানিব পৰা গৈছে।
