ক’ৰণা মহামাৰীৰ দ্বিতীয় ঢৌৱে সমগ্ৰ বিশ্বতে ত্ৰাসৰ সৃষ্টি কৰাৰ সময়তে এই মহামাৰীৰ ত্ৰাসৰ পৰা পৰিত্ৰাণ পাবলৈ টীয়কৰ এগৰাকী সমাজকৰ্মী তুষাৰ পালে জনতাক মাস্ক পৰিধানৰ ক্ষেত্ৰত সজাগ কৰাৰ বাবে এক সুন্দৰ পদক্ষেপ গ্ৰহণ কৰিলে।
চেলেংহাট হেল্থ ক্লাৱৰ উদ্যোগত তথা টীয়ক আৰক্ষী থানাৰ সহযোগত টীয়কৰ ব্যস্ত নগৰাঞ্চলত বিনামূলীয়াকৈ মাস্ক বিতৰণ কৰি সকলোকে সজাগ ও সতৰ্কতা অৱলম্বন কৰিবলৈ আৰক্ষীৰ লগতে সমাজকৰ্মীগৰাকীয়ে আহ্বান জনায়।
লগতে মহামাৰী ভয়াবহতাৰ ওপৰত পথাচাৰী,যাত্ৰী,বিভিন্ন ব্যৱসায়িক প্ৰতিস্থানত থকা ক্ৰেতা,বিক্ৰেতাক অৱগত কৰি অধিক সতৰ্ক হৈ ক’ৰণাৰ বিৰুদ্ধে যুঁজ দিবলৈ সকলোকে অনুৰোধ জনায়।
