দেশৰ ৰাজনীতিত অপৰাধী নেতাৰ দপদপনিৰ মাজতে ভাৰতীয় নিৰ্বাচন আয়োগে এক গুৰুত্বপূৰ্ণ সিদ্ধান্ত গ্ৰহণ কৰিছে।
দেশৰ ৰাজনৈতিক দলসমূহে তেওঁলোকৰ প্ৰাৰ্থীৰ অপৰাধমূলক কাৰ্যৰ বিৱৰণ বাতৰি কাকত, দূৰদৰ্শন চেনেল আৰু তেওঁলোকৰ ৱেবছাইটত প্ৰকাশ কৰিব লাগিব। ভাৰতীয় নিৰ্বাচন আয়োগৰ মুখ্য নিৰ্বাচন আয়ুক্ত সুশীল চন্দ্ৰই এই বিষয়ে সদৰী কৰিছে।
মুখ্য নিৰ্বাচন আয়ুক্ত সুশীল চন্দ্ৰই সাংবাদিকৰ আগত কয় যে ৰাজনৈতিক দলসমূহে প্ৰাৰ্থী জনক কিয় বাছনি কৰিছে আৰু কিয় পৰিষ্কাৰ প্ৰাৰ্থী বিচাৰি পোৱা নাই তাৰ কাৰণ দিব লাগিব।
ভাৰতীয় নিৰ্বাচন আয়োগৰ এটা দল বৰ্তমান আগন্তুক বিধান সভা নিৰ্বাচনৰ প্ৰস্তুতি পৰ্যালোচনাৰ বাবে গোৱাত আছে।
সুশীল চন্দ্ৰই কয় যে ভাৰতীয় নিৰ্বাচন আয়োগে ৮০ বছৰতকৈ অধিক বয়সৰ লোকসকলক ঘৰৰ পৰা ভোট দিবলৈ অনুমতি দিয়াৰ বাবে এটা সুবিধা প্ৰৱৰ্তন কৰিছে।
অৱশ্যে তেওঁ জনায় যে ৮০ বছৰতকৈ অধিক বয়সৰ লোকসকলৰ বাবে ঘৰত ভোট দানৰ সুবিধা বৈকল্পিক, যদি তেওঁলোকে ভোটকেন্দ্ৰলৈ আহিব বিচাৰে, তেওঁলোকে আহিব পাৰে।
