বি টি এ ডি পৰিষদীয় নিৰ্বাচনত বিজেপিৰ লগত মিত্ৰতা হ’লেও বিপিএফৰ দখলত থকা আসন এৰি দিয়া নহ’ব : প্ৰমীলাৰাণী ব্ৰহ্ম
আগন্তুক বি টি এ ডিৰ পৰিষদীয় নিৰ্বাচনত বিজেপিৰ সৈতে বিপিএফৰ মিত্ৰতা সন্দৰ্ভত বুধবাৰে তাৎপৰ্য্যপূৰ্ণ মন্তব্য কৰে প্ৰমীলাৰাণী ব্ৰহ্মই।
বি টি এ ডি পৰিষদীয় নিৰ্বাচনত বিজেপিৰ সৈতে বিপিএফৰ মিত্ৰতা সম্পৰ্কত মত ব্যক্ত কৰি প্ৰমীলা ৰাণী ব্ৰহ্মই নিৰ্বাচনত বিজেপিৰ সৈতে মিত্ৰতা হ’ব যদিও বিপিএফৰ বৰ্তমান দখলত থকা সমষ্টি বিজেপিক এৰি দিয়া নহয় বুলি স্পষ্ট কৰি দিয়ে।
বৰপেটাৰোডত বহুমুখী সমবায় সমিতি লিমিটেডৰ শাখা মুকলি অনুষ্ঠানত অংশগ্ৰহণ কৰি প্ৰমীলা ৰাণী ব্ৰহ্মই সাংসদ নৱ কুমাৰ শৰণীয়াকো সমালোচনা কৰে লগতে তেওঁৰ সম্পত্তিৰ বিষয়ে কৰা মন্তব্যক খণ্ডন কৰে।
‘বহুমুখী সমবায় সমিতিখনে বিগত বহু বছৰ ধৰি ৰাইজৰ মাজত থাকি ৰাইজৰ হকে কাম কৰি আহিছে সেইবাৰে কেন্দ্ৰ চৰকাৰৰ তৰফৰ পৰা সমবায়ক বৃহৎ পৰিমাণৰ ঋণ প্ৰদান কৰা হৈছে,’ প্ৰমীলাৰাণী ব্ৰহ্মই কয়।
উল্লেখযোগ্য যে, বিগত লোকসভা নিৰ্বাচনত কোকৰাঝাৰ সমষ্টিত নৱ কুমাৰ শৰণীয়াৰ হাতত পৰাস্ত হৈছিল প্ৰমীলাৰাণী ব্ৰহ্ম। নিৰ্বাচনৰ পূৰ্বৰে পৰা দুয়োগৰাকী নেতাৰ বাক যুদ্ধ অব্যাহত আছে।