ব্ৰহ্মপুত্ৰৰ নাও দুৰ্ঘটনাক লৈ দুখ প্ৰকাশ ৰাষ্ট্ৰপতি, প্ৰধান মন্ত্ৰী আৰু গৃহ মন্ত্রীৰ
ব্ৰহ্মপুত্ৰত বুধবাৰে সংঘটিত দুৰ্ভাগ্যজনক নাও দুৰ্ঘটনাক লৈ দুখ প্ৰকাশ কৰিছে দেশৰ ৰাষ্ট্ৰপতি ৰামনাথ কোবিন্দ, প্ৰধান মন্ত্ৰী নৰেন্দ্ৰ মোদী আৰু গৃহ মন্ত্রী ৰাজনাথ সিঙে।
টুইটাৰ যোগে প্ৰদান কৰা এক শোকবাৰ্তাত ৰাষ্ট্ৰপতি গৰাকীয়ে উক্ত দুৰ্ঘটনাৰ ভুক্তভোগী সকলৰ লগতে তেওঁলোকৰ পৰিয়ালৰ প্ৰতি সহমৰ্মিতা জ্ঞাপন কৰে। তদুপৰি স্থানীয় প্ৰসাশনে যৎপৰোনাস্তি উদ্ধাৰ অভিযান চলাই আছে বুলিও তেওঁ প্ৰকাশ কৰে।
Sorry to hear of the boat accident on the Brahmaputra, near Guwahati. Thoughts with those affected as well as their families. I understand rescue operations are on and the local administration is doing its utmost #PresidentKovind
— President of India (@rashtrapatibhvn) September 5, 2018
আনহাতে প্ৰধান মন্ত্ৰী নৰেন্দ্ৰ মোদীয়েও উক্ত নাও দুৰ্ঘটনা সম্পৰ্কত দুখ প্ৰকাশ কৰি নিহতসকলৰ পৰিয়াললৈ সমবেদনা জ্ঞাপন কৰে। প্ৰধান মন্ত্ৰী গৰাকীয়ে সন্ধানহীন যাত্ৰীসকলৰ উদ্ধাৰ অভিযানত ৰাজ্য চৰকাৰে সক্ৰিয়ভাৱে কাম কৰি আছে বুলিও টুইটাৰ যোগে প্ৰকাশ কৰে।
Deeply saddened by the loss of lives due to the capsizing of a boat near Guwahati in Assam. My thoughts are with the bereaved families. The State Government is working actively on the rescue operations and ensuring all possible support on the ground.
— Narendra Modi (@narendramodi) September 5, 2018
তেওঁলোকৰ উপৰি কেন্দ্ৰীয় গৃহ মন্ত্ৰী ৰাজনাথ সিঙেও উক্ত দুৰ্ঘটনাত দুখ প্ৰকাশ কৰাৰ লগতে ফোন যোগে সৰ্বানন্দ সোণোৱালৰ পৰা নাও দুৰ্ঘটনাৰ সমগ্ৰ ঘটনাৰ বুজ লয় বুলি টুইটাৰত প্ৰকাশ কৰে।
Spoke to the Chief Minister of Assam Shri @sarbanandsonwal who apprised me of the details pertaining to boat capsizing tragedy. The state agencies & @NDRFHQ teams are conducting the search and rescue operations.
— Rajnath Singh (@rajnathsingh) September 5, 2018
আনহাতে আজি পুৱাৰ পৰাই সন্ধানহীন যাত্ৰী সকলক বিচাৰি উদ্ধাৰকাৰী দলসমূহে অভিযান অব্যাহত ৰাখিছে যদিও এতিয়ালৈকে কোনো লোক উদ্ধাৰ হোৱাৰ খবৰ লাভ কৰিব পৰা হোৱা নাই।