যোৱা মঙল বাৰে কৰ্ণাটকৰ মহীশূৰৰ ওচৰত এটা ভয়ানক পথ দুৰ্ঘটনাত আহত হয় প্ৰধান মন্ত্ৰী নৰেন্দ্ৰ মোডীৰ ভাতৃ প্ৰহ্লাদ মোডী।
প্ৰহ্লাদ মোডী সহ দুৰ্ঘটনাটোত আহত হয় প্ৰধানমন্ত্ৰী নৰেন্দ্ৰ মোডীৰ বোৱাৰী, ভতিজা , নাতি আৰু ড্ৰাইভাৰ।
বুধবাৰে সপৰিয়ালে বান্দিপুৰালৈ গৈ থকা অৱস্থাত বিয়লি প্ৰায় দুই বজাত নিয়ন্ত্ৰণ হেৰুৱাই পথৰ দাঁতিৰ এটা ডিভাইডাৰত খুন্দা মাৰে প্ৰহ্লাদ মোডীৰ মাৰ্চিডিজ বেঞ্জ বিলাসী বাহনখনে।
আৰক্ষীয়ে জনোৱা মতে সুষম গতিতেই গৈ আছিল গাড়ীখন। তীব্ৰ বেগত যোৱা নাছিল মোডীৰ ভাতৃ।
দুৰ্ঘটনাটোত প্ৰহ্লাদ মোডীৰ নাতিয়েকৰ ভৰিৰ হাড় ভাগে আৰু বাকী সকলে সামান্য আঘাত পায়।
দুৰ্ঘটনাটো ঘটাৰ পিছত সকলোকে ততাতৈয়াকৈ মহীশূৰৰ জে এছ এছ হাস্পাতালত ভৰ্তি কৰা হয়।
বৰ্তমান সকলোৱে বিপদমুক্ত অৱস্থাত আছে বুলি জানিবলৈ দিছে হাস্পাতালখনৰ কৰ্তৃপক্ষই।
