প্ৰধানমন্ত্ৰী নৰেন্দ্ৰ মোদীৰ ঘৰত জন্ম হ’ল গৰু পোৱালী! মৰমেৰে নাম দিলে ‘দীপজ্যোতি’
প্ৰধানমন্ত্ৰী নৰেন্দ্ৰ মোদীৰ পৰিয়ালত আগমন হ’ল এজন নতুন সদস্যৰ। মোদীয়ে নিজেই মৰমেৰে নাম ৰাখিলে ‘দীপজ্যোতি’।
স্বাধীন ভাৰতত প্ৰৱেশ কৰা প্ৰথম গৰু ৰাজনীতি কংগ্ৰেছৰ হাতত আছিল। ইন্দিৰা কংগ্ৰেছৰ দিনত যেতিয়া নিৰ্বাচনী প্ৰতীক কেইবাবাৰো সলনি হৈছিল, তেতিয়া এসময়ত গৰু আৰু পোৱালীৰ ছবি আছিল। ইন্দিৰা গান্ধীয়েই নিজৰ ধৰ্মনিৰপেক্ষ চৰিত্ৰ অক্ষুণ্ণ ৰাখিবলৈ নিৰ্বাচনী প্ৰতীকটো হাতৰ প্ৰতীকলৈ সলনি কৰিছিল। কিন্তু, বিজেপিয়ে কেতিয়াও গৰু ৰাজনীতি পৰিত্যাগ কৰা নাই।
প্ৰধানমন্ত্ৰীৰ গোপূজাৰ দৃশ্যও যোৱা মকৰ সংক্ৰান্তিত দেখা গৈছিল। তেওঁ প্ৰধানমন্ত্ৰীৰ বাসগৃহৰ পিছফালে থকা বাৰীত গৰু এটাক খুৱাই দিয়াৰ ভিডিঅ’ পোষ্ট কৰে৷ ২০২৩ চনৰ ৩১ ডিচেম্বৰত প্ৰায় একেধৰণৰ ছবি মুক্তি লাভ কৰে। প্ৰধানমন্ত্ৰীয়ে কেইবাবাৰো গোমাতা সনাতন ধৰ্মৰ অভিভাৱক মাতৃ বুলি কোৱা শুনা গৈছে। ২০২১ চনত কাশীত অনুষ্ঠিত এক অনুষ্ঠানত তেওঁ কয় যে গৰু-প্ৰেম একাংশৰ বাবে অপৰাধ। কিন্তু আমাৰ বাবে গৰু মাতৃৰ সমান।
বিগত বৰ্ষত ৱাৰংগলৰ ভদ্ৰকালি মন্দিৰ পৰিদৰ্শন কৰাৰ সময়ত মোদীয়ে গৰুক ঘাঁহ খুৱাই থকা দেখা গৈছিল। আনকি ৰামলালাৰ মন্দিৰ আৰু প্ৰতিমূৰ্তি উন্মোচন কৰাৰ পূৰ্বেও মোদীয়ে ভক্তিমূলক সাত্ত্বিক দিনত গৰুটোক নিয়মিতভাৱে খুৱাইছিল। প্ৰধানমন্ত্ৰীৰ এই আচৰণৰ বাবে বিৰোধী ৰাজনৈতিক মহলে কেইবাবাৰো সমালোচনা কৰাৰ পিছতো মোদীৰ গৰুৰ প্ৰতি থকা প্ৰেম একেবাৰে কমি যোৱা নাই।
মোদীৰ ঘৰত কেইবাটাও গৰু পালন কৰা হয়। প্ৰধানমন্ত্ৰীয়ে সময় পালে সিহঁতক খুৱাই, যত্ন লয়। গৰুবোৰ অন্ধ্ৰ প্ৰদেশৰ পুংগানুৰ জাতৰ। এইবিধ গৰুৰ উচ্চতা ডেৰ-দুই ফুটৰ পৰা তিনিফুট।