প্ৰিন্স হেৰীৰ আত্মজীৱনী ‘স্পেয়াৰ’ এতিয়াও ব্ৰিটেইনত মুকলি কৰা হোৱা নাই। কিন্তু বৃহস্পতিবাৰেই স্পেইনত সেয়া প্ৰকাশ পাইছে। তেতিয়াৰে পৰা এই গ্ৰন্থখনকলৈ চৰ্চা আৰম্ভ হৈছে। ইয়াৰ আগেয়ে হেৰীয়ে দাবী কৰা দেখা গৈছিল যে ভাতৃ উইলিয়ামে পত্নীৰ সন্মুখতে তেওঁৰ কলাৰত ধৰি মাটিত পেলাই দিছিল।এইবাৰ প্ৰিন্স হেৰীৰ পিতৃ কিং চাৰ্লছৰ এটা ‘নিম্ন ৰুচিৰ কৌতুক’ সন্মুখলৈ আহিছে। তেওঁ ৰাজকুমাৰক উপহাস কৰি কৈছিল, “কোনে ক’ব পাৰে মই তোমাৰ প্ৰকৃত পিতৃ হয় নে নহয়?’’
কিন্তু চাৰ্লছে কিয় এনে এক উদ্ভট কৌতুক কৰিছিল? হেৰীয়ে দাবী কৰে যে সেই সময়ত এটা উৰাবাতৰি বিয়পি পৰিছিল যে তেওঁ লেডী ডায়েনা আৰু মেজৰ হেউইটৰ পুত্ৰ আছিল! এনে ধৰণৰ উৰাবাতৰিৰ বাবে চাৰ্লছে সংযম হেৰুৱাইছিল। ৰসিকতা কৰিয়েই তেওঁ কৈছিল,”মই তোমাৰ পিতৃ হয় নে নহয় কোনে জানে? প্ৰিয় পুত্ৰ, হয়তো তোমাৰ পিতৃ ব্ৰডমুকত আছে।‘’ তেওঁ এনে কৌতুকক ‘নিম্ন ৰুচিৰ কৌতুক’ বুলি বৰ্ণনা কৰিছে।
লগতে পঢ়ক: দেশৰ এই তিনিটা বেংক ধন জমা ৰখাৰ বাবে আটাইতকৈ সুৰক্ষিত! আৰবিআইৰ তালিকা প্ৰকাশ
ইতিমধ্যে হেৰীয়ে তেওঁৰ ককায়েক উইলিয়ামৰ বিৰুদ্ধে বিস্ফোৰক অভিযোগ উত্থাপন কৰিছে। তেওঁ কৈছে, “আমি দুই ভাতৃয়ে পাকঘৰত কথা পাতি আছিলো। সেই সময়ত উইলিয়ামে মোৰ পত্নী মেগানৰ বিষয়ে আপত্তিজনক মন্তব্য কৰিছিল। তাৰ পিছত তেওঁ মোক কলাৰত ধৰি মাটিত পেলাই দিলে। মই কুকুৰৰ খাদ্যৰ বাচনৰ ওপৰত পৰিছিলো। বাচনটো ভাঙি গৈছিল আৰু মোৰ পিঠিত আঘাত পাইছিলো। হতবাক হৈ মই অলপ সময়ৰ বাবে মাটিত পৰি ৰৈছিলোঁ। তেতিয়া মই থিয় হৈ উঠি উইলিয়ামক আঁতৰি যাবলৈ কৈছিলো।”
ব্ৰটিছি সংবাদপত্ৰ গাৰ্ডিয়ানৰ সূত্ৰই আন কেইবাটাও বিস্ফোৰক তথ্য প্ৰকাশ কৰিছে। উইলিয়াম আৰু কেটে হেৰীক এটা ফেন্সি ড্ৰেছ অনুষ্ঠানত নাজীসকলৰ কাপোৰ পিন্ধিবলৈ কৈছিল। এতিয়া চাৰ্লছৰ বিষয়টোও ফাদিল হৈ পৰিল। গ্ৰন্থখন প্ৰকাশ হোৱাৰ আগতে ইমান তথ্য কেনেকৈ ফাদিল হ’বলৈ পালে তাক লৈ বিতৰ্কৰ সূত্ৰপাত হৈছে। জানিব পৰা মতে, প্ৰকাশন প্ৰতিষ্ঠান পেংগুইনৰ বিৰুদ্ধেও এটা তদন্ত আৰম্ভ কৰা হ’ব।
